केप कॅनावेरल - अमेरिकेतील अंतराळ क्षेत्रातील खासगी स्पेसएक्स या कंपनीचे ड्रॅगन हे यान आंतरराष्ट्रीय अंतराळ स्थानकावर (ISS - इंटरनॅशनल स्पेस स्टेशन) सुरक्षित पोहोचले आहे. दोन अंतराळवीर यातून अंतराळ स्थानकावर पोहोचले असून बॉब बेहनकेन आणि डग हर्ले, असे त्या अंतराळवीरांचे नाव आहे.
स्पेसएक्स ड्रॅगन यान कोणत्याही मदतीशिवाय स्वयंचलितपणे स्थानकाशी जोडले गेले. खासगी क्षेत्रातील अंतराळयान निर्मित करणाऱ्या कंपनीने 20 वर्षांनी प्रथमच हे काम केले आहे.