वॉशिंग्टन : राष्ट्राध्यक्ष डोनाल्ड ट्रम्प यांच्या प्रचारयंत्रणेने बुधवारी निवडणूक प्रक्रियेवर आक्षेप घेत पेन्सिल्व्हेनिया, मिशिगन आणि जॉर्जिया या तीन राज्यांमध्ये याचिका दाखल केल्या होत्या. यापैकी जॉर्जिया आणि मिशिगनमधील याचिका फेटाळण्यात आल्या आहेत.
असोसिएट प्रेस आणि फॉक्स न्यूज या दोन्ही प्रतिष्ठित वृत्तसंस्थांनी मिशिगनमध्ये बायडेन यांचा विजय झाल्याचा दावा केला होता. याठिकाणची मतमोजणी संपली नसतानाही असा दावा केल्यामुळे ट्रम्प यांनी याठिकाणच्या मतमोजणी प्रक्रियेवर आक्षेप घेत न्यायालयात याचिका दाखल केली होती.
दुसरीकडे जॉर्जियामध्ये या दोघांमध्ये अटीतटीचा सामना रंगला असून, ट्रम्प आघाडीवर असूनही बायडेन यांच्या विजयाची शक्यताही नाकारता येत नाही. त्यामुळे ट्रम्प यांनी याचिका दाखल केली होती. मात्र, या दोन्ही राज्यांमधील न्यायाधिशांनी ट्रम्प यांच्या याचिका फेटाळल्या आहेत.