लॉस एंजेलिस- 'स्क्विड गेम' या कोरियन मालिकेमुळे अभिनेता ली जंग-जे याला जगभर प्रसिध्दी मिळाली. 74 व्या वार्षिक टेलिव्हिजन अकादमी पुरस्कारांमध्ये ड्रामा मालिकेतील उत्कृष्ट मुख्य अभिनेता पुरस्कार त्याला मिळाला. हा पुरस्कार जिंकणारा पहिला आशियाई अभिनेता म्हणून, त्याने दिग्दर्शक ह्वांग डोंग-ह्युकचे आभार मानले आहेत. त्याच्या भाषणादरम्यान, त्याने स्ट्रीमिंग पोर्टल नेटफ्लिक्स आणि शोच्या टीमचे आभार मानले.
या मालिकेची कथा एका स्पर्धेभोवती फिरते जेथे 456 खेळाडू, जे सर्व गंभीर आर्थिक अडचणीत आहेत. ५ अब्जपेक्षा जास्त वॅन्स जिंकण्यासाठी हे सर्वजण आपल्या प्राणांची बाजी लावून खेळतात. जीवाचा थरकाप उडवणारी ही मालिका जगभर चर्चेचा विषय ठरली होती. त्यानंतर यातील कलाकार जगभर प्रसिध्दीच्या झोतात आले.