सलमान ऐवजी 'बिग बॉस 16'चा शुक्रवारचा विशेष भाग होस्ट करणार करण जोहर

बॉलीवूड स्टार सलमान खानच्या जागी चित्रपट निर्माता करण जोहर 'बिग बॉस 16' च्या शुक्रवारच्या विशेष भागाचे सूत्रसंचालन करताना दिसणार आहे.

मुंबई- बॉलिवूड स्टार सलमान खानच्या जागी चित्रपट निर्माता करण जोहर 'बिग बॉस 16' च्या शुक्रवारच्या विशेष भागाचे सूत्रसंचालन करताना दिसणार आहे. वीकेंड का वार एपिसोड दरम्यान, सलमान अनेकदा स्पर्धकांसोबत चर्चा करताना, त्यांना त्यांच्या गेम प्लॅनवर मार्गदर्शन करताना आणि गरज पडेल तेव्हा त्यांना फैलावर घेताना दिसतो.

शनिवारच्या वीकेंड का वारच्या एपिसोडमध्ये सलमान दिसणार आहे. त्याच्या जागी करणने 'बिग बॉस ओटीटी' देखील होस्ट केले आहे आणि तो स्पर्धकांशी कसा व्यवहार करतो आणि शोमध्ये त्यांना कसा झापतो हे पाहणे मनोरंजक असेल.

सुंबूल तौकीर खान, मन्या सिंग आणि शालिन भानोत

शिवाय, या आठवड्यासाठी नामांकित तीन स्पर्धक सुंबूल तौकीर खान, मन्या सिंग आणि शालिन भानोत आहेत. दरम्यान, टीना दत्ता आणि शालीन यांनी या शोमध्ये सर्वात कमी कामगिरी करणाऱ्या स्पर्धक म्हणून सुंबुलचे नाव घेतले आहे. पण मागील एपिसोडमध्ये शालीन सुंबुलशी बोलताना आणि तिच्यासोबतच्या वागणुकीसाठी टीनाला दोष देताना दिसला होता.

'बिग बॉस 16' कलर्सवर प्रसारित होत आहे.

हेही वाचा -Ddlj ची २७ वर्षे पूर्ण, शाहरुख काजोलच्या ब्लॉकबस्टरची काही खास वैशिष्ट्ये