मुंबई- Koffee With Karan 8 : कॉफी विथ करणचा आठवा सीझन रंगतदार होत चाललाय. याच्या तिसऱ्या एपिसोडमध्ये सारा अली खान आणि अनन्या पांडे करण जोहरच्या तिरकस प्रश्नांना उत्तरं देताना दिसणार आहेत. यावेळी करणनं दोघींचाही कॉमन एक्स बॉयफ्रेंड कार्तिक आर्यनबद्दल प्रश्न विचारुन त्यांना कोंडीत पकडण्याचा प्रयत्न केला. यावर त्यांनी दिलखुलासं उत्तर दिलेत.
चर्चेदरम्यान, करणनं सारा आणि अनन्याला थेट कार्तिक आर्यनसोबतच्या त्यांच्या भूतकाळातील रोमँटिक सहभाग लक्षात घेऊन त्यांच्या नातेसंबंधाबद्दल विचारलं. त्याला उत्तर देताना सारा डेटिंग आणि ब्रेकअपबद्दल व्यापक अर्थाने म्हणाली की, "हो, हे सर्व माझ्यासाठी सोपं आहे असं म्हणायचे नाही कारण असं म्हणणे आणखी वाईट आहे. जेव्हा तुम्ही एखाद्याशी नातेसंबंधात असता, मग ती मैत्री असो, व्यावसायिक असो किंवा रोमँटिक असो, विशेषत: जर मी असेन, तर मी नात्यात पूर्णपणे गुंतते. हे खरोखर महत्त्वाचे आहे असे नाही. आजची परिस्थिती एक गोष्ट असू शकते आणि उद्या ती काहीतरी वेगळी असू शकतं. तिचा तुमच्यावर परिणाम होतो. पण शेवटी तुम्हाला त्यातून पुढे जावे लागतं."
साराने पुढं सांगितलं की मैत्रीचं कायम स्वरुपी वचन देणं किंवा मनोरंजन उद्योगात पुन्हा कधीही कोणाशीही बोलू इच्छित नाही असं जाहीर करणे मूर्खपणाचं आहे. "माझ्या वैयक्तिक अनुभवातून, मी शिकलेय आहे की या उद्योगात कायमस्वरूपी कमिटमेंट नाही. स्थिर मैत्री करणे, पिंकी आश्वासने देणे किंवा 'मी तुझ्याशी पुन्हा कधीही बोलणार नाही' असं म्हणणं व्यावहारिक नाही. हे सर्व कधीच घडत नाही,” असं तिनं स्पष्ट केले. लोकांच्यातील यारी दोस्ती इथे कायम टीकत नसल्याचं सारा म्हणाली.
करणनं करीना कपूर आणि काजोल यांच्यासोबत असलेल्या त्याच्या मैत्रीबद्दलचे स्वतःचे अनुभव देखील शेअर केले. साराने निदर्शनास आणून दिले की त्याच्या मैत्रीचा इतिहास मोठा आहे आणि त्यामुळे त्याचे वजन अधिक आहे. सारा अली खान आणि अनन्या पांडे यांनी कॉफी विथ करण सीझन 8 च्या एपिसोडमध्ये फिल्म इंडस्ट्रीतील वैयक्तिक संबंधांच्या गुंतागुंतींवर प्रकाश टाकत कार्तिक आर्यनसोबतच्या त्यांच्या पूर्वीच्या नातेसंबंधांवर मोकळेपणानं चर्चा केली. साराने ग्लॅमरच्या जगातील नातेसंबंधांच्या तात्पुरत्या स्वरूपावर भर दिला आणि आव्हानांवरून वर देण्याची गरज असल्याचं सांगितलं.