मुंबई - बिग बॉसच्या 17 व्या सिझनमध्ये भरपूर रंजक नाट्य पाहायला मिळतंय. प्रत्येक एपिसोड काही तरी नवं नाट्य घेऊन येतो. 25 व्या एपिसोडची सुरुवात ऐश्वर्या शर्मा आणि अंकिता लोखंडे यांच्यातील कडाक्याच्या भांडणानं झाली. दुसऱ्या बाजूला मन्नारा चोप्रा अभिषेक कुमारचा मूड सुधारण्यासाठी फ्लर्ट करताना दिसली. अखेरीस तिनं त्याच्या गालावर गोड चुंबन दिलं.
मन्नारा चोप्रानं बिग बॉसकडे मागितली घर सोडण्याची परवानगी
एका नाट्यमय घडामोडीनंतर मन्नारा चोप्रानं बिग बॉसकडे कन्फेशन रूममध्ये जाण्याची परवानगी मागितली. आपल्याला आईची आठवण येत असल्यामुळे घरातून बाहेर जाण्याची इच्छा तिनं बोलून दाखवली. अंकितानं तिचं सांत्वन केलं. घरातील बेभरोशाच्या मुलींमुळे, त्यांच्या कटकारस्थानमुळे तिला शो सोडण्याची इच्छा असल्याचंही तिनं सांगितलं.
ऐश्वर्या शर्मा बनली अंकिता लोखंडेच्या रागाची शिकार
अभिषेक कुमार आणि ऐश्वर्या शर्मा यांच्यात स्वयंपाकघरातील जबाबदारीबाबत जोरदार वादविवाद झाला. हे मतभेद नंतर वाढतच गेले आणि विकी जैन आणि अंकिता लोखंडे यांना यात भाग घ्यावा लागला. अंकिता लोखंडे आणि ऐश्वर्या शर्मा शोमध्ये येण्यापूर्वी एकमेकांना ओळखत असूनही, त्यांचं शोमध्ये जमत नसल्याचं स्पष्ट झालंय. त्यांच्यातील नात्यात कटुता वाढत गेली आहे. यामुळे त्यांच्या पतींनाही त्याच्या बाजूनं भाग घेऊन हस्तक्षेप करावा लागलाय. दोघींनीही एकमेकींची उणीदुणी काढली आणि ऐश्वर्याने अंकिताची थट्टा करण्यापर्यंत मजल मारली आणि दावा केला की तिची ती बाहेरच्या जगात जशी दिसते तशी ती नाही.
रेशनचा टास्क
बुधवारच्या एपिसोडच्या मुख्य वैशिष्ट्यांपैकी एक म्हणजे एक आव्हानात्मक कार्य होतं, ज्यात स्पर्धकांना जोरदार शाब्दिक चकमकीत सहभागी होऊन अन्न जिंकण्याची संधी होती. दम, दिल आणि मकानमधील स्पर्धकांमध्ये आमनेसामने झाली. रेशन टास्कमध्ये तीन फेऱ्या होत्या. पहिल्या फेरीत अंकिता आणि सनी, त्यानंतर ऐश्वर्या विरुद्ध अरुण आणि शेवटी ईशा विरुद्ध अनुराग यांच्यात सामना झाला.
पहिल्या फेरीत अंकिताने तिचे व्यक्तिमत्त्व सर्वांसमोर मांडले, तर अरुणने तिची खिल्ली उडवली आणि हा निर्णय हाऊस नंबर २ च्या सदस्यांनी काढला. प्रत्येक फेरीतील विजेत्याला स्टोअर रूममधून रेशन गोळा करण्याचा विशेषाधिकार दिला जाणार होता. दोन्ही स्पर्धकांमध्ये वाद रंगला, यामध्ये सनीने असे ठामपणे सांगितले की अंकिता लोखंडेला घरात कोणीही घाबरत नाही आणि ती केवळ विकीच्या प्रभावाखाली खेळत आहे. हाऊस नंबर १ मधील सदस्यांनी सनीविरोधात आघाडी केली आहे. शेवटी, हाऊस नंबर 2 ने अंकिताच्या बाजूने निर्णय घेतला, तिला रेशन मिळवण्यासाठी स्टोअर रूममध्ये धावायला सांगितलं.