Aai kuthe kay karte : 'आई कुठे काय करते' मालिकेला तीन वर्ष पूर्ण; कलाकार म्हणाले, मालिकेचा सेट म्हणजे दुसरे घर आणि शाळा

बंगाली मालिका 'श्रीमोई' खूप लोकप्रिय झाली आणि त्या मालिकेवर आधारित हिंदी मध्ये 'अनुपमा' नावाची मालिका बनवण्यात आली. तिला तुफान यश मिळाले. या दोन्हींवर आधारित मराठी मालिका बनवली गेली ती म्हणजे 'आई कुठे काय करते' (Aai kuthe kay karte). 'आई कुठे काय करते' ही स्टार प्रवाह (star pravah) वरील मालिकेने प्रसारणाची तीन वर्ष पूर्ण केली (3 years completed of aai kuthe kay karte serial) आहेत.

मुंबई : छोट्या पडद्यावरील मालिका वर्षानुवर्षे चालण्याची परंपरा आहे, अर्थात प्रेक्षकांचे प्रेम मिळाले तर. प्रेक्षकांच्या हृदयाला हात घालणाऱ्या मालिका शक्यतो लांबवर चालतात. 'आई कुठे काय करते' ही स्टार प्रवाह (star pravah) वरील मालिका त्या वर्गात मोडते आणि म्हणूनच तिने नुकतीच प्रसारणाची तीन वर्ष पूर्ण (3 years completed of aai kuthe kay karte serial) केली आहेत. त्यासाठी मालिकेच्या संपूर्ण टीमने प्रेक्षकांचे मनःपूर्वक आभार मानले आहेत. बंगाली मालिका 'श्रीमोई' खूप लोकप्रिय झाली आणि त्या मालिकेवर आधारित हिंदी मध्ये 'अनुपमा' नावाची मालिका बनवण्यात आली. तिला तुफान यश मिळाले. या दोन्हींवर आधारित मराठी मालिका बनवली गेली ती म्हणजे 'आई कुठे काय करते'.

मालिकेला प्रेक्षकांचे प्रेम मिळाले :तीन वर्षपूर्तीच्या निमित्ताने 'आई कुठे काय करते' (Aai kuthe kay karte) मधील अरुंधती म्हणजेच मधुराणी गोखले प्रभुलकर (Madhurani Gokhale Prabhulkar) म्हणाली, 'तीन वर्षांचा हा प्रवास खरंच अविस्मरणीय होता. अगदी पहिल्या प्रोमोपासून या मालिकेला प्रेक्षकांचे प्रेम मिळाले आहे. अरुंधती आणि देशमुख कुटुंबाच्या आजवरच्या प्रवासात प्रेक्षकांचे जे प्रेम मिळाले आहे ते खरंच भारावून टाकणारे आहे. दहा वर्षांनंतर या मालिकेच्या निमित्ताने मी मालिका विश्वात पदार्पण केले. सातत्याने चांगले सीन लिहिले जाणे, ते चांगल्या पद्धतीने दिग्दर्शित केले जाणे आणि आम्हा कलाकारांकडून ते चांगल्या पद्धतीने पोहोचवण्याचे बळ मिळणे हे प्रेक्षकांच्या प्रेमामुळे आणि आशीर्वादामुळे शक्य झाले. अरुंधती हे पात्र अनेक स्त्रियांना प्रेरणा देणारे आणि उभारी देणारे आहे. या पात्रासाठी माझी निवड होईल असे कधीच वाटले नव्हते. सातत्याने तीन वर्ष अरुंधती हे पात्र जगायला मिळत आहे यासारखा दुसरा आनंद नाही.

आशीर्वाद देत राहा : याच मालिकेतील अनिरुद्ध म्हणजेच सुप्रसिद्ध अभिनेते मिलिंद गवळी (Milind Gavali) म्हणाले, 'आम्हा कलाकारांसोबतच पडद्यामागच्या आमच्या दिग्दर्शक आणि तंज्ञत्र मंडळींचे कौतुक कारण त्यांच्यामुळे आम्ही तुमच्यापर्यंत पोहोचतो. लेखक मंडळींचे आभार कारण कोरोना काळातही असे प्रसंग लिहिले गेले की, निराशाजनक परिस्थितीतून प्रेक्षकांना बाहेर पडायला मदत होईल. रसिक प्रेक्षकांना एकच सांगने असेच आशीर्वाद देत राहा.'

एक कलाकार म्हणून हे खूप सुखावणारे आहे : संजनाची भूमिका साकारणारी रुपाली भोसले (Rupali Bhosale) म्हणाली, 'माझे संजनावर खूप प्रेम आहे. प्रत्येक गोष्टीवर संजना कशी व्यक्त होईल हे लेखकांच्या मनात पक्क असते. त्यामुळे हे पात्र साकारताना खूप सोपे जाते. प्रेक्षकांना संजना हळवी वाटते आणि तितकाच तिचा रागही करतात आणि तिच्यावर प्रेमही करतात. एक कलाकार म्हणून हे खूप सुखावणारे आहे.'

मालिकेचा सेट म्हणजे दुसरे घर आणि शाळा : आप्पा म्हणजेच किशोर महाबोले (Kishor Mahabole) म्हणाले, 'ज्या घरात संपूर्ण कुटुंब एकत्र राहत ते घर नेहमीच बांधलेले राहते. तर आजी म्हणजेच अर्चना पाटकर (Archana Patkar) म्हणाल्या की, या मालिकेचा सेट म्हणजे माझे दुसरे घर आहे. त्यामुळे हे देखमुख कुटुंब खूप जवळचे आहे. आई कुठे काय करतेमुळे माझे आयुष्य बदलून गेले आहे. या मालिकेचा सेट म्हणजे दुसरे घर आणि शाळा आहे. जिथे येऊन मी रोज काहीतरी नवीन शिकते, अशी भावना इशा म्हणजेच अपूर्वा गोरे (Apurva Gore) ने व्यक्त केली. तर अभिषेक देशमुख (Abhishek Deshmukh) आणि निरंजन कुलकर्णीनेही (Niranjan Kulkarni) प्रेक्षकांचे मनापासून आभार मानले. आई कुठे काय करतेच्या कुटुंबातील नवे सदस्य म्हणजेच आशुतोष, अनुष्का आणि अनघा यांनी देखिल या टीमचा महत्त्वाचा भाग असल्याचा आनंद व्यक्त केला.