मुंबई :'ये जवानी है दिवानी', रणबीर कपूर, दीपिका पदुकोण, आदित्य रॉय कपूर आणि कल्की कोचलिन अभिनीत हा बॉलीवूडमधील सर्वात उत्कृष्ट चित्रपटांपैकी एक आहे. अयान मुखर्जी दिग्दर्शित या चित्रपटाने प्रदर्शित होऊन 10 वर्षे पूर्ण केली आहेत. या खास दिवशी, दिग्दर्शकाने त्याच्या सोशल मीडिया हँडलवर कॅप्शनमध्ये एक हृदयस्पर्शी पोस्ट लिहली आहे आणि त्याचबरोबर या चित्रपटामधील काही झलकांसह एक व्हिडिओ शेअर केला आहे. इन्स्टाग्रामवर पोस्ट शेअर करताना अयानने लिहिले की, 'ये जवानी है दिवानी' माझे दुसरे मूल, माझ्या हृदयाचा आणि आत्म्याचा तुकडा आहे आज 10 वर्षांचा झाला आहे.
ये जवानी है दिवानी' चित्रपट : मला वाटते इतक्या वर्षांनंतर मी आत्मविश्वासाने सांगू शकेन की हा चित्रपट बनवणे हा माझ्या आयुष्यातील सर्वात मोठा आनंद होता. त्याच्या साधक-बाधक गोष्टींसह आम्ही जे काही साध्य केले ते माझ्यासाठी खूप अभिमानाची गोष्ट आहे.'अयान मुखर्जीने पुढे लिहिले की, 'आश्चर्याची गोष्ट म्हणजे हा चित्रपट रिलीज झाल्यापासून, मला वाटत नाही की मी ये जवानी है दीवानी सुरुवातीपासून शेवटपर्यंत पूर्णपणे बरोबरपणे पाहिली आहे, पण आता मी मोठा आणि समजदार झालो आहे' म्हणून मला वाटते की मी हा चित्रपट वर्षातून किमान एकदा तरी पाहिल, कारण मी कोण होतो आणि मी जीवनाकडे कसे पाहिले याचा एक मोठा भाग या चित्रपटात कायमचा टिपला गेला आहे.