मुंबई - KGF स्टार यश एका व्हायरल फोटोमुळे खूप चर्चेत आहे. यामध्ये तो रेसिंग लीजेंड लुईस हॅमिल्टनसोबत पोज देताना दिसत आहे. यश आणि हॅमिल्टन एकाच फ्रेममध्ये दिसल्यामुळे केजीएफ स्टारच्या चाहत्यांचा गोंधळ उडाला आहे.
यशच्या लेटेस्ट फोटोने सोशल नेटवर्किंग साइट्सवर तुफान वादळ निर्माण केले आहे. व्हायरल इमेजमध्ये यश ब्रिटिश रेसिंग आयकॉन लुईस हॅमिल्टनसोबत दिसत आहे. रेसरच्या फॅन क्लबने शेअर केल्यानंतर हा फोटो व्हायरल झाला. यशचे चाहते त्याला हॅमिल्टनसोबत पाहून आनंदित झाले आहेत. फोटो पाहून चाहत्यांना वाटते की हे दोन आपआपल्या क्षेत्रातील दिग्गज एकत्र येऊन काही तरी नवे निर्माण करणार आहेत.
गेल्या महिन्यात यशने हॉलिवूड दिग्दर्शक जे.जे. पेरीसोबत एक व्हिडिओ पोस्ट केला होता. पेरीने त्याच्या सोशल मीडिया हँडलवर हा व्हिडिओ पोस्ट केला. व्हिडिओमध्ये यश हॉलिवूडचा स्टंट दिग्दर्शक पेरी आणि त्याच्या टीमसोबत शूटिंगचा सराव करताना दिसत आहे. यशच्या 24 सेकंदांच्या या व्हिडिओने त्याचे चाहते आणि सिनेप्रेमी कन्नड सुपरस्टारच्या भविष्यातील वाटचालीबद्दल अंदाज लावत आहेत.