मुंबई - Randeep Hooda and lin laishram :बॉलिवूड अभिनेता रणदीप हुड्डा त्याची गर्लफ्रेंड लिन लैश्रामसोबत 29 नोव्हेंबर रोजी लग्न करणार आहे. अलीकडेच, त्यानं सोशल मीडियावर एक पोस्ट शेअर करून त्याच्या लग्नाची तारीख जाहीर केली. आता रणदीप हुड्डा लग्नाच्या एक दिवस अगोदर त्याच्या होणाऱ्या पत्नीसह इम्फाळ (मणिपूर) येथे पोहोचला आहे. लग्नाच्या एक दिवस आधी रणदीप आणि लिननं मंदिरात पूजा केली आहे. इम्फाळच्या हेगांगमध्ये असलेल्या मंदिरातील रणदीप आणि लिनचे काही फोटो आणि व्हिडिओ सोशल मीडियावर व्हायरल झाले आहेत. रणदीप आणि लियानचा विवाहसोहळा आज 28 नोव्हेंबरपासून सुरू होत आहे.
रणदीप हुड्डाच्या लग्नात येणार कलाकार ? :व्हायरल झालेल्या व्हिडिओत रणदीपला त्याच्या लग्नात येणाऱ्या स्टार पाहुण्यांबद्दल विचारण्यात आले. यावेळी रणदीपला विचारण्यात आले की, तुमच्या लग्नाला बॉलिवूडमधील कोणते स्टार्स उपस्थित राहणार आहे. यावर रणदीप म्हणतो, 'फक्त मी' त्यानंतर आणखी त्याला विचारण्यात येते की तू लग्नासाठी नर्वस आहे का? त्यानंतर तो म्हणतो की, 'सर्वजणचं असतात' त्याच्या व्हायरल झालेल्या व्हिडिओवर अनेकजण कमेंट करून त्याला शुभेच्छा देत आहेत. रणदीप आणि लिनचं लग्न इम्फाळमध्ये होईल. आज या जोडप्याच्या मेहंदी आणि हळदी समारंभाचा कार्यक्रम असून लग्नासाठी पाहुण्यांचेही आगमन सुरू झाले आहेत.