मुंबई :बॉलिवूड अभिनेत्री आलिया भट्ट सध्या तिच्या आगामी 'रॉकी और रानी की प्रेम कहानी' या चित्रपटामुळे चर्चेत आहे. सध्या आलिया ही तिच्या आगामी 'रॉकी और रानी की प्रेम कहानी' चित्रपटाच्या प्रमोशनमध्ये गुंतली आहे. आलिया भट्ट आणि रणवीर सिंगची हिट जोडी पुन्हा एकदा रूपेरी पडद्यावर 'रॉकी और रानी की प्रेम कहानी' या चित्रपटातून प्रेक्षकांना दिसणार आहे. आता या चित्रपटाच्या प्रदर्शनाला फक्त एक आठवडा उरला आहे. याआधी, काल रात्री प्रसिद्ध फॅशन डिझायनर मनीष मल्होत्राच्या फॅशन शोनंतर आलिया, रणवीर आणि करण जोहरने त्यांच्या 'रॉकी और रानी की प्रेम कहानी' या चित्रपटाचे प्रमोशन सुरू केले. चित्रपटाच्या प्रमोशन दरम्यान आलियाला एक प्रश्न विचारण्यात आला की, राहा कपूर भविष्यात काय होणार त्यावर आलियाने काय म्हटले हे जाणून घेवूया....
आलिया भट्ट आणि रणबीर कपूरची मुलगी भविष्यात काय होणार? :आलिया भट्टचा हा व्हिडिओ सोशल मीडियावर चांगलाच व्हायरल होत आहे. मुंबईत 'रॉकी और रानी की प्रेम कहानी' चित्रपटाच्या प्रमोशन दरम्यान आलिया ही सुंदर साडी नेसून आली होती. यावेळी ती खूप खास दिसत होती. त्यानंतर आलिया ही चित्रपटाच्या प्रेमकथेबद्दल बोलत होती, तेव्हा तिला मुलगीविषयी प्रश्न विचारण्यात आला की, राहा कपूरला भविष्यात काय बनवायला आवडेल. यावर आलिया भट्ट सांगितले की, 'मी तिला घरी वेगवेगळ्या गोष्टी करताना पाहते आणि मी म्हणते की तू नक्कीच वैज्ञानिक बनशील,असे त्यावेळी तिने सांगितले.