मुंबई - नीता मुकेश अंबानी कल्चरल सेंटर (NMACC) च्या लॉन्चसाठी गुलाबी कार्पेटवर स्टार सेलेब्रिटींनी ग्लॅमरचा जलवा दाखवल्यानंतर दोन दिवसांनी सोहळ्यातील मनोरंजक व्हिडिओ ऑनलाइन समोर येत आहेत. या ठिकाणी उपस्थित असलेल्या पापाराझींनी कार्यक्रमातील रंजक व्हिडिओ शेअर करुन धमाल उडवून दिली. विक्की कौशलला 'भाभी' कॅटरिना कैफबद्दल विचारण्यापासून ते आंतरराष्ट्रीय मॉडेल गिगी हदीदला 'दीदी' म्हणण्यापर्यंत आणि अनन्या पांडेसोबतच्या त्याच्या कथित रोमान्सबद्दल आदित्य रॉय कपूरला चिडवण्यापर्यंत, मुंबईच्या हौशी फोटोग्राफर्सनी NMACC गालामध्ये ग्लॅमरस गुलाबी कार्पेटमध्ये मनोरंजनाची भर घातली.
आदित्य रॉय कपूरला अनन्या पांडेबद्दल विचारला प्रश्न- NMACC उत्सवाच्या 2 दिवसाच्या व्हिडिओमध्ये, आदित्य फोटोसाठी पोझ देताना दिसला जेव्हा एका फोटो ग्राफरने त्याला विचारले की, 'अनन्या मॅडम नहीं आयी है?' अनन्याच्या उल्लेखाने आदित्यच्या चेहऱ्यावर हसू उमटले. खालील व्हिडिओमध्ये अभिनेत्याला भुवया उंचावलेल्या स्मित हास्यासह उत्सुक पॅप्सवर प्रतिक्रिया देताना पाहिले जाऊ शकते. या अनेपेक्षित प्रश्नाने तो काही काळ भंडावून गेला होता.