Video : मुलगी इराच्या एंगेजमेंट पार्टीमध्ये 'पापा कहते हैं'वर थिरकला आमिर खान

शुक्रवारी आमिर खानची मुलगी इरा खानने जवळच्या मित्र आणि कुटुंबीयांच्या उपस्थितीत तिची दीर्घकाळची बॉयफ्रेंड नुपूर शिखरेशी एंगेजमेंट केली. इराच्या एंगेजमेंट बॅशमधील व्हायरल व्हिडिओमध्ये, आमिर कयामत से कयामत तक मधील पापा कहते हैं या त्याच्या हिट गाण्यावर थिरकताना दिसत आहे.

मुंबई- बॉलिवूडचा सुपरस्टार आमिर खानने मुलगी इरा खानच्या एंगेजमेंट सोहळ्यात पाहुण्यांसोबत भरपूर मजा मस्ती केली. इराने सप्टेंबरमध्ये जाहीर केले होते की ती लवकरच सेलिब्रिटी फिटनेस ट्रेनरशी लग्न करणार आहे. हे जोडपे दोन वर्षांपासून रिलेशनशिपमध्ये आहे. अखेर त्यांचा एंगेजमेंट सोहळा उत्साहात पार पडला. या इंटिमेट पार्टीचा एक व्हिडिओ इंटरनेटवर फिरत आहे ज्यामध्ये आमिर खान कयामत से कयामत तक मधील त्याच्या हिट पापा कहते हैं या गाण्यावर नाचताना दिसत आहे.

शुक्रवारी इराने तिची दीर्घकाळची बॉयफ्रेंड नुपूर शिखरेसोबत जवळचे मित्र आणि कुटुंबीयांच्या उपस्थितीत एंगेजमेंट केली. इम्रान खान, आमिरच्या माजी पत्नी रीना दत्ता, किरण राव यांच्यापासून ते अभिनेत्री फातिमा सना शेखपर्यंत, एंगेजमेंट सोहळ्यात खान कुटुंबीय आनंदाने फुलले होते.

व्हिडिओत आमिरने मॅचिंग धोतीसह एम्ब्रॉयडरी केलेला पांढरा कुर्ता घातला होता. पण उपस्थितांचे लक्ष वेधून घेतलं ते त्याच्या लूकने. सध्या आमिर खान विरक्ती आल्यासारखा राहात आहे. बॉलिवूडच्या चंदेरी दुनियेपासून तो थोडा स्वतःला अलिप्त ठेवत आहे. सध्या त्याचा पांढरे केस आणि पांढरी दाढी असा वृध्द लूक त्याने स्वीकारला आहे.

दरम्यान, आमिर शेवटचा लाल सिंग चड्ढा या चित्रपटात करीना कपूर खानसोबत दिसला होता. हा चित्रपट प्रेक्षकांना प्रभावित करू शकला नाही. रिलीजदरम्यान हा चित्रपट खूप वादात सापडला होता.

हेही वाचा -आमिर खानची मुलगी इरा खानची नुपूर शिखरेशी झाली एंगेजमेंट