मुंबई - Vijay Sethupathi Birthday : साऊथ अभिनेता विजय सेतुपतीचा अभिनय हा सर्वांना आवडतो. शाहरुख खानने देखील विजयच्या अभिनयाने खूप प्रभावित झालं असल्याचं म्हटलं होतं. 'किंग खान'च्या 'जवान' चित्रपटात विजय खलनायकच्या भूमिकेत दिसला होता. 'जवान' हा 2023 मधील हिंदी चित्रपटसृष्टीतला ब्लॉकबस्टर चित्रपट ठरला. या चित्रपटानं जगभरातील बॉक्स ऑफिसवर 1150 कोटी रुपयांचा व्यवसाय केला. विजय आज त्याचा 16 जानेवारी रोजी 46 वा वाढदिवस साजरा करत आहे. विजयचा चेहरा फोटोजेनिक आहे, त्यामुळे त्याला चित्रपटांमध्ये काम मिळाले. आता या विशेष प्रसंगी आपण विजयच्या 5 चित्रपटांबद्दल जाणून घेऊया.
विक्रम वेध :अभिनेता आर. माधवन आणि अभिनेता विजय स्टारर 'विक्रम वेधा' हा चित्रपट 2017 मध्ये रिलीज झाला होता. या चित्रपटाचं लेखन आणि दिग्दर्शन पुष्कर गायत्री यांनी केलं आहे. 'विक्रम वेधा' चित्रपटात विजय खलनायकच्या भूमिकेत होता. या चित्रपटात क्राईम इन्व्हेस्टिगेशन सस्पेन्स असल्यामुळे हा चित्रपट अनेकांना आवडला होता. 'विक्रम वेधा' चित्रपटाचा हिंदी रिमेक बॉलीवूडमध्ये हृतिक रोशन आणि सैफ अली खानला घेऊन बनवला गेला.
सुपर डिलक्स : 2019 साली प्रदर्शित झालेला 'सुपर डिलक्स'मध्ये विजय सेतुपती हा ट्रान्सजेंडरच्या भूमिकेत दिसला आहे. या चित्रपटामध्ये त्याचा लूक हा अप्रतिम होता.'सुपर डिलक्स' चित्रपटाची कहाणी खूप दमदार आहे. या चित्रपटासाठी विजयला राष्ट्रीय पुरस्कार मिळाला आहे. 'सुपर डिलक्स'मध्ये सामंथा रुथ प्रभु , फहद फाजिल, गायत्री, रम्या कृष्णन हे कलाकार दिसले आहेत.