Vijay Deverakonda : विजय देवरकोंडा आपल्या 'खुशी'च्या कमाईतील 1 कोटी रुपये करणार दान...

Vijay Deverakonda : अभिनेता विजय देवरकोंडा त्याच्या 'खुशी'च्या कमाईतून 1 कोटी रुपये 100 गरजू कुटुंबांना देणार आहे. विशाखापट्टणम येथे झालेल्या 'खुशी' चित्रपटाच्या यशाच्या सोहळ्यात विजयने घोषणा केली आहे.

मुंबई - Vijay Deverakonda : विजय देवरकोंडा आणि सामंथा रुथ प्रभु यांचा रोमँटिक चित्रपट 'खुशी' शुक्रवारी प्रदर्शित झाला. या चित्रपटाला चांगला प्रतिसाद मिळतोय. इंस्टाग्राम, एक्स आणि इतर सोशल मीडिया प्लॅटफॉर्म्सवर या चित्रपटाचं खूप कौतुक होतंय. दरम्यान सोमवारी विजय देवरकोंडाने आंध्र प्रदेशातील विशाखापट्टणम येथे आयोजित 'खुशी' चित्रपटाच्या यशच्या सोहळ्यात प्रेक्षकांचे आभार मानले. हा चित्रपट बॉक्स ऑफिसवर चांगली कमाई करतोय. या चित्रपटाने 16 कोटी रु. ओपनिंग केले आहे. आतापर्यत या चित्रपटाचे एकूण कलेक्शन 39.25 कोटी पर्यंत पोहोचलंय.

विजय दान करणार 1 कोटी :'खुशी' चित्रपटाच्या कार्यक्रमादरम्यान विजय देवरकोंडाने एक घोषणा केली. 'खुशी'मधून मिळालेल्या कमाईतील तो 1 कोटी रुपये 100 गरजू कुटुंबांना देणार असल्याचं त्याने सांगितलं आहे. विजय हा प्रत्येक कुटुंबाला त्यांच्या अतूट पाठिंब्याबद्दल कृतज्ञता व्यक्त करत प्रत्येकी 1 लाख रुपये देणार आहे. विजय देवराकोंडाच्या या घोषणेमुळे लोक खूप खुश झाले आहेत. यावेळी त्याने तेलुगूमध्ये आपल्या भावना व्यक्त केल्या आहेत. त्याने हा आपला आनंद चाहत्यांसोबत शेअर केला.

विजय आणि सामंथाची रुपेरी पडद्यावर जादू : विजयने आपल्या भाषणात करिअरबद्दलसुद्धा गाईड केलं आहे. याशिवाय तो एक आठवडा किंवा दहा दिवसानंतर 1 कोटी रुपये वितरीत करणार असल्याचं त्याने सांगितलंय. याशिवाय विजयने याआधी वर्षाच्या सुरुवातीला, मनालीला 100 भाग्यवान चाहत्यांना सर्व खर्च करून सहलीसाठी पाठवलं होतं. 'खुशी'चं दिग्दर्शन शिव निर्वाण यांनी केले आहे. हा चित्रपट मिथ्री मूव्ही मेकर्स निर्मित आहे. दरम्यान सध्या 'खुशी' चित्रपट पाहण्यासाठी चित्रपटगृहांमध्ये खूप गर्दी होतेय. हा चित्रपट लवकरच 50 कोटींचा आकडा पार करेल असं सध्या दिसतंय. रूपेरी पडद्यावर विजय आणि सामंथा आपली जादू प्रेक्षकांना दाखवतायत.

हेही वाचा :