हैदराबाद- साऊथचा सुपरस्टार विजय देवरकोंडा आता बॉलिवूडमध्ये पदार्पण करणार आहे. 'लायगर' हा त्याचा बॉलिवूड डेब्यू चित्रपट आहे, ज्याचा दमदार ट्रेलर नुकताच रिलीज झाला आहे. या चित्रपटात विजय देवरकोंडासोबत बॉलिवूड अभिनेत्री अनन्या पांडे मुख्य भूमिकेत दिसणार आहे. अलीकडेच मुंबईत या चित्रपटाच्या ट्रेलर लाँच सोहळ्यात या चित्रपटाची मुख्य जोडी दिसली. येथे विजय देवरकोंडा साधी चप्पल घालून आला होता. या सँडलची किंमत किती आहे हे जाणून तुम्हाला आश्चर्य वाटेल.
लायगरच्या ट्रेलर लॉन्चच्या वेळी विजय देवराकोंडा कॅज्युअल लूकमध्ये आला होता. त्यावेळी त्याने काळ्या टी-शर्ट आणि तपकिरी ट्राउझर्सखाली चप्पल घातली होती. अगदी सामान्य लोक घरात घालतात तशी ती चप्पल होती. मीडियामध्ये आलेल्या बातम्यांनुसार, या सँडलची किंमत फक्त 199 रुपये सांगितली जात आहे.