मुंबई : साऊथ फिल्म इंडस्ट्रीतील विजय देवरकोंडा आणि सामंथा रुथ प्रभू त्यांच्या 'खुशी' चित्रपटामुळे सध्या खूप चर्चेत आहेत. विजय देवरकोंडा स्टारर 'खुशी' या चित्रपटाबाबत सध्या एक मोठी अपडेट समोर आली आहे. या चित्रपटासाठी चाहते खूप उत्सुक आहेत. याशिवाय 'खुशी' वाट चाहते आतुरतेने पाहत आहे. आतापर्यंत या चित्रपटाचे अनेक पोस्टर्स आणि गाणी प्रदर्शित झाली आहेत. दरम्यान आता चित्रपटाच्या निर्मात्यांनी विजय आणि सामंथाचा रोमँटिक फोटो शेअर करून चित्रपटाच्या ट्रेलरच्या रिलीजची तारीख जाहीर केली आहे. याशिवाय विजयने देखील या चित्रपटाचे पोस्टर त्याच्या इन्स्टाग्राम अकाऊंटवर शेअर केले आहे. चित्रपटाचे पोस्टर शेअर करत त्याने तेलगू भाषेतील हा चित्रपट कधी प्रदर्शित होणार आहे आणि या चित्रपटाचा ट्रेलर कधी येणार आहे. या सर्व गोष्टी पोस्टमध्ये चाहत्यांना सांगितल्या आहेत.
खुशीचा ट्रेलर कधी रिलीज होणार :विजयने त्याच्या इन्स्टाग्राम अकाऊंटवर त्याची सहकलाकार सामंथा रुथ प्रभूसोबतचा एक रोमँटिक आणि मोहक फोटो शेअर केला आणि लिहिले, 'हा आला, चित्रपट 'खुशी'चा ट्रेलर ९ ऑगस्टला रिलीज. चित्रपटाचा ट्रेलर २.४१ मिनिटांचा आहे. हा चित्रपट १ सप्टेंबर रोजी प्रदर्शित होणार आहे'. असे विजयने त्याच्या पोस्टमध्ये त्याच्या चाहत्यांना सांगितले आहेत.