मुंबई- 'कमांडो' फेम अभिनेता विद्युत जामवाल त्याच्या माचो लूकसाठी आणि दमदार स्टंट-अ‍ॅक्शनसाठी प्रसिद्ध आहे. चित्रपटातील त्याचे स्टंट खरे आहेत जे तो स्वत: करतो. विद्युतच्या दमदार व्यक्तिमत्त्वावर अनेक मुलीही फिदा आहेत आणि त्याच्या लूकवर मरायला तयार आहेत. विद्युत काही कमी नाही... तो त्याच्या चाहत्यांची मने जिंकण्याची एकही संधी सोडत नाही. आता पाहा, अभिनेत्याचा एक व्हिडिओ व्हायरल होत आहे, ज्यामध्ये 'तो किता मोठ्या मनाचा माणूस आहे' हे असे दिसून येते.
व्हायरल होत असलेल्या व्हिडिओमध्ये अभिनेता विद्युत जामवाल त्याच्या आलिशान कार 'Aston Martin DB 9' जवळ उभा असल्याचे दिसत आहे. त्याला आपल्या कॅमेर्यात कैद करण्यासाठी आसुसलेल्या हौशी फोटोग्राफर्सना आनंदाने पोज देताना दिसत आहे. तो ज्या गाडीजवळ उभा आहे त्या गाडीची किंमत ३.६५ कोटी इतकी आहे.
चाहत्याला दिलं भरभरून प्रेम - दरम्यान, अभिनेत्याची एक महिला फॅन अचानक त्याच्याकडे आली आणि तिला विश्वासच बसत नव्हता की ती विद्युत जामवालला इतक्या जवळून पाहात आहे. ती सारखी आपली भावना त्याला बोलून दाखवत होती.