Vidyut Jammwal : एका मजूर चाहत्यासाठी विद्यूत जामवालची स्टंटबाजी

विद्यूत जामवालने आपल्या चाहत्याला भेटण्यासाठी खऱ्या आयुष्यात स्टंटबाजी ( Vidyut Jamwal stunt ) केली आहे. इमारतीच्या खांबावरून खाली उतरून त्याने चाहत्यासोबत फोटो काढला. विद्यूतचे चाहत्यावरचे हे प्रेम पाहून सोशल मीडियावर त्याच्यावर प्रेमाचा वर्षाव होत आहे.

मुंबई -अभिनेता विद्यूत जामवाल त्याच्या धाडसीपणाने आणि स्टंट्सने त्याच्या चाहत्यांना आश्चर्यचकित करण्याची एकही संधी सोडत नाही. नुकतच बांधकाम साइटवर काम करणाऱ्या एका चाहत्याला भेटण्यासाठी ( Vidyut Jammwal Meet Fan ) त्याने खरोखर स्टंटबाजी केली. त्याचा व्हिडीओ त्याने इंस्टाग्राम हँडलवर टाकला आहे. इमारतीच्या बाल्कनीतून खाली उतरण्यासाठी त्याने बाजूला असलेल्या लोखंडी खांबांचा वापर केला.

व्हिडिओमध्ये, विद्यूत बाल्कनीत उभा असताना, शेजारीच बांधकाम करणाऱ्या मजूर चाहत्याने ( Construction Worker Fan ) विद्यूतच्या कामाचे कौतुक केले. त्यावर विद्यूतने त्याचा चित्रपट पाहिला आहे का? असे विचारले. त्यावर बांधकाम मजूर चाहत्याने हो म्हटले. मग विद्यूतने चाहत्याला फोटो काढण्यासाठी फोन आहे का? असे विचारले. त्यावर त्याने फोन असल्याचे सांगितले. मग विद्यूत जामवाल हा खांबांच्या मदतीने खाली उतरतो ( iron poles ) आणि चाहत्यासोबत फोटो काढतो.

"नॉर्मल ईज बॉरिंग ...#TheRealStuntMen " असे कॅप्शन त्याने व्हिडिओला दिले आहे. सोशल मीडियावर विद्यूतचे त्याच्या चाहत्यांसाठी असलेले प्रेम दाखविल्याबद्दल चाहत्यांनीही विद्युतचे कौतुक केले आहे. "गोल्डन हार्ट" असे संबोधत एका चाहत्याने त्याला कमेंट केली आहे. तर दुसऱ्याने "म्हणूनच आम्ही प्रत्येक वेळी तुझे कौतुक करतो. तू खूप नम्र आहेस ." असे म्हटले आहे. तर काहिंनी "भाई मेरेको तो लगता है मौत आपसे डरता होगा" असे लिहिले आहे.

दरम्यान, विद्यूतचा खुदा हाफिज चॅप्टर 2 अग्नी परीक्षा प्रेक्षकांच्या भेटीला येण्यासाठी सज्ज आहे. 8 जुलै 2022 रोजी ते थिएटरमध्ये प्रदर्शित होईल. त्याच्याकडे IB 71 आणि शेर सिंग राणा हे चित्रपट देखील आहेत.

हेही वाचा -Tiger Shroff Injured : गणपतच्या शूटिंगदरम्यान टायगर श्रॉफ जखमी?; शरिरावर जखमांच्या खुणा!