मुंबई- 'वाय' या आगामी थरराक चित्रपटाचा रोमांचक ट्रेलर रिलीज झाला आहे. यात मुक्ता बर्वे एका साहसी भूमिकेत दिसत असून दर महिन्याच्या अखेरच्या शुक्रवारी होणाऱ्या खुनी घटनांचा उलगडा करण्यासाठी ती एक धाडसी पाऊल उचलताना दिसते.
अजित सूर्यकांत वाडीकर दिग्दर्शित 'वाय' हा चित्रपट लवकरच प्रेक्षकांच्या भेटीला येत आहे. सोशल मिडीयावर सध्या या चित्रपटाची जोरदार चर्चा पाहायला मिळत आहे. या चित्रपटामध्ये मुक्ता बर्वेशिवाय प्राजक्ता माळी, नंदू माधव, सुहास शिरसाट यांच्या प्रमुख भूमिका आहेत.