मुंबई- बॉलिवूडची ग्लॅमरस अभिनेत्री आणि टायगर श्रॉफची खास मैत्रीण दिशा पटानी हिचा आज (13 जून) 30 वा वाढदिवस आहे. दिशा आणि टायगर श्रॉफ यांनी कदाचित त्यांचे नाते अधिकृत केले नसले तरीही ते दोघेही रोजच चर्चेत असतात. अशा परिस्थितीत टायगरने आज तिच्या इंस्टाग्राम अकाउंटवर एक खास पोस्ट शेअर करून दिशाला वाढदिवसाच्या शुभेच्छा दिल्या आहेत.
इंस्टाग्राम स्टोरीवर शेअर केलेल्या व्हिडिओमध्ये दिशा आणि टायगर दोघेही फ्लिप करताना दिसत आहेत. व्हिडिओ शेअर करत टायगरने एक क्यूट कॅप्शनही दिले आहे. टायगर म्हणाला- ''वाढदिवसाच्या शुभेच्छा अॅक्शन हिरो, मला आशा आहे की तू यावर्षी उंच उडेल, आज चविष्ट अन्न खा आणि पचवून टाक.'' यासोबत टायगरने हार्ट आणि फायर इमोजीही टाकले आहेत.