मुंबई- अभिनेता विजय देवराकोंडाचा ( Vijay Devarakonda )बहुप्रतीक्षित लायगर चित्रपटाचा जबरदस्त ट्रेलर अखेर रिलीज झाला आहे. आक्रमक भूमिकेत असलेला विजय भारतीय बॉक्सरची व्यक्तीरेखा साकारताना दिसतो. अंगावर शहारे आणणारे सीन्स, डोळे दिपवणारे अॅक्शन स्टंट्स, जबरदस्त रोमान्स आणि बॉक्सिंगच्या रिंगमधील दिलखेचक थ्रिल ट्रेलरमध्ये पाहायला मिळत आहे.
विजय देवरकोंडा बॉलिवूड पदार्पण - विजय देवरकोंडा 'लायगर'मधून बॉलिवूडमध्ये पदार्पण करत आहे. त्याचबरोबर या चित्रपटाद्वारे अनन्या पांडे तेलगू चित्रपटांमध्ये पदार्पण करत आहे, तसेच हा पहिला भारतीय चित्रपट आहे ज्यामध्ये माइक टायसन कॅमिओमध्ये दिसणार आहे. विजय देवरकोंडा 'लाइगर' मध्ये बॉक्सरच्या भूमिकेत दिसणार आहे. पुरी जगन्नाध, चार्मे कौर, करण जोहर आणि अपूर्व मेहता यांनी संयुक्तपणे या चित्रपटाची निर्मिती केली आहे.