मुंबई - The great indian family trailer out : 'जरा हटके जरा बचके'च्या यशानंतर विक्की कौशल आणखी एका फॅमिली ड्रामामध्ये काम करण्यासाठी सज्ज झाला आहे. यशराज फिल्म्स निर्मित 'द ग्रेट इंडियन फॅमिली'मध्ये त्याच्याबरोबर मानुषी छिल्लर रुपेरी पडद्यावर दिसणार आहे. विक्कीचे चाहते त्याच्या पुढच्या चित्रपटाची आतुरतेनं वाट पाहत आहेत. या चित्रपटामधील पहिलं गाणं 'कन्हैया ट्विटर पे आजा' प्रदर्शित झाल्यानंतर चाहत्यांच्या चित्रपटाबद्दल अपेक्षा वाढल्या. आता या चित्रपटाचा ट्रेलर प्रदर्शित झाला आहे.
'द ग्रेट इंडियन फॅमिली'चा ट्रेलर प्रदर्शित :'द ग्रेट इंडियन फॅमिली' चित्रपटाचा ट्रेलर एक मिनिट पंचावन्न सेकंदाचा आहे. या चित्रपटात विक्कीचं नाव वेद व्यास त्रिपाठी असून तो पंडित कुटुंबातील आहे. भजन हा एक सुप्रसिद्ध भक्ती गायक आहे. या व्यवसायामुळं त्याला स्वतःचं प्रेमपात्र शोधण्यात त्रास होतो. ट्रेलरमध्ये अचानक मानुषीची एंट्री दाखवण्यात आलीय. त्यानंतर मानुषी ही विक्कीबरोबर डान्स करताना दिसत आहे. चित्रपटाच्या ट्रेलरमध्ये त्याच्या कुटुंबाला एका अज्ञात स्त्रोताकडून एक पत्र मिळतं, ज्यामध्ये भजन मुस्लिम कुटुंबातील असल्याचा दावा केला जातो. ही गोष्ट समजताच त्याच्या कुटुंबाला धक्का बसतो. त्यानंतर कुटुंबात अनेक मतभेद होताना दिसतात. विक्की उर्फ भजन कुमारला घरातून बाहेर काढलं जातं. ट्रेलरच्या शेवटी विक्की हा चित्रपट कधी रिलीज होणार हे सांगताना दिसतोय.