Suhana Khans song Sunoh : सुहाना खानच्या 'सुनोह' गाण्यातून शाहरुख खानला मिळाला 'प्रेरणा'चा डोस

शाहरुख खाननं सोशल मीडियावर त्याची मुलगी सुहाना खानच्या 'द आर्चीज' या चित्रपटातील पहिलं गाणं 'सुनोह'चं कौतुक केलंय. गाण्याच्या बोल प्रेरणादायी वाटत असल्याचं शाहरुखनं आपल्या सोशल मीडिया पोस्टमध्ये लिहिलंय.

मुंबई - सुपरस्टार शाहरुख खानची मुलगी सुहाना खान रुपेरी पडद्यावर पदार्पण करण्यासाठी सज्ज झालीय. झोया अख्तर दिग्दर्शित 'द आर्चीज' या आगामी टीन म्युझिकल कॉमेडी चित्रपटातून ती मनोरंजन जगतात पदार्पण करत आहे. या चित्रपटात खुशी कपूर, वेदांग रैना, अगस्त्य नंदा, मिहिर आहुजा, युवराज मेंडा आणि अदिती 'डॉट' सैगल यांच्यासह नव्या पिढीच्या तरुणाईची मांदियाळी पाहायला मिळणारेय. सुहाना खानचं स्केटिंग कौशल्य दाखवणारं आणि तिचे वडील शाहरुख खान यांन तिचं कौतुक केलेलं 'द आर्चीज' चित्रपटातील पहिलं गाणं 'सुनोह' लॉन्च करण्यात आलंय.

शाहरुख खानने इंस्टाग्रामवर सुहानाच्या चित्रपटसृष्टीतील प्रवासाबद्दलचा आपला उत्साह शेअर केलाय. त्यानं सुनोह गाण्यातील एक झलक पोस्ट केली आहे आणि आर्चीजच्या जगाचे वर्णन विलक्षण आणि सुंदर असं केलंय. गाण्यातील "ट्रेडिंग माय शूज इन फॉर व्हील्स अंडर माय पाय" ही ओळ त्याला 'प्रेरणा' देणारी वाटते. शाहरुख खानच्या या पोस्टनं चित्रपटाबद्दल विशेषत: त्याच्या चाहत्यांमध्ये चर्चा आणि अपेक्षा निर्माण केल्या आहेत.

सुनोह या गाण्यात सुहाना खान एका हवेलीत प्रवेश करताना रोलर स्केट्सवर सपाईदारपणे पुढं सरकते आणि तिचा विंटेज लुक दाखवते. या गाण्यातील आपल्या मुलीच्या लूकचं कौतुक करताना शाहरुख स्वतःला रोखू शकला नाही. त्यानं आपल्या पोस्टमध्ये मिश्किल प्रतिक्रिया दिली आणि गाण्याबद्दल आपले प्रेम व्यक्त केले आणि म्हटलं की त्याशिवाय कुटुंबातील सर्वांना रोलर स्केट कसं करावं हे माहितेय.

'द आर्चीज' हा चित्रपट त्याच नावाच्या अमेरिकन कॉमिक बुक मालिकेचं रूपांतर आहे. हा चित्रपट 7 डिसेंबर रोजीनेटफ्लिक्सवर रिलीज होणार आहे आणि त्यात सुहाना खान वेरोनिका लॉजची भूमिका साकारताना दिसत आहे. या चित्रपटात खुशी कपूर बेटी कूपर आणि अगस्त्य नंदा आर्ची अँड्र्यूजच्या भूमिकेत पदार्पण करत आहे.

शाहरुख खान एका आगामी चित्रपटात आपली लेक सुहानासोबत स्क्रीन स्पेस शेअर करणार आहे. हा चित्रपट त्याच्याच प्रॉडक्शन हाऊसच्या रेड चिलीज एंटरटेनमेंट या बॅनरखाली बनणार आहे. अद्याप शीर्षक न ठरलेल्या या एक्शन थ्रिलर चित्रपटाचा सूत्रधार सुजॉय घोष असल्याचे सांगितलं जातंय. दरम्यान, शाहरुख खान या वर्षाच्या सुरुवातीला 'पठाण' आणि त्यानंतर 'जवान' या दोन ब्लॉकबस्टर चित्रपटीत झळकला होता. दोन्ही चित्रपटांनी बॉक्स ऑफिसवर कमाल केली होती. आता तो आगामी 'डंकी' या चित्रपटाच्या रिलीजची प्रतीक्षा करत आहे. राजकुमार हिरानी दिग्दर्शित हा चित्रपट 21 डिसेंबर रोजी थिएटरमध्ये दाखल होणार आहे.

हेही वाचा -