मुंबई - Rajinikanth and Kamal Haasan :'थलैयवा' रजनीकांत आणि 'उलगनायगन' कमल हसन, साऊथ फिल्म इंडस्ट्रीतील दिग्गज कलाकार आहेत. या दोन्ही साऊथ सुपरस्टार्सची फॅन फॉलोइंग खूप आहे. दोन्ही स्टार्सचे चित्रपट बॉक्स ऑफिसवर अजूनही चांगली कमाई करत आहेत. आता कमल हासन आणि रजनीकांतचा एक फोटो सोशल मीडियावर व्हायरल झाला आहे. हे दोन्ही स्टार्स 21 वर्षांनंतर भेटले आहे. हा दुर्मिळ फोटो कुठला आहे. हे दोन सुपरस्टार कसे भेटले? याबद्दल आता सोशल मीडियावर चर्चा होताना दिसत आहे. या फोटोमध्ये कमल हासन यांनी काळ्या रंगाची टी-शर्ट आणि पॅन्ट घातला आहे.
21 वर्षांनंतर सुपरस्टार 'हे' इथे भेटले : रजनीकांत यांनी निळ्या रंगाच्या शर्टसह लुंगी परिधान केली आहे. या फोटोमध्ये रजनीकांत यांनी कमल हासन यांना मिठीत पकडले आहे. हा फोटो एका स्टुडिओमधील आहे, जिथे कमल हासन त्यांच्या आगामी देशभक्तीपर चित्रपट 'इंडियन 2'ची शूटिंग करत आहेत आणि योगायोगानं रजनीकांत देखील त्याच स्टुडिओमध्ये त्यांच्या 'थलायवर 170' या चित्रपटाची शूटिंग करत आहेत. आता जेव्हा दोन्ही सुपरस्टार्सची वेळ मॅच झाली, तेव्हा 21 वर्षांनंतर या स्टुडिओमध्ये हे कलाकार पुन्हा एकदा एकत्र आले. 21 वर्षांपूर्वी आजच्याच दिवशी रजनीकांत आणि कमल हसन लायका प्रॉडक्शन हाऊसमध्ये एकत्र दिसले होते. लायका प्रॉडक्शनने हे फोटो शेअर करून याबद्दलची माहिती दिली आहे.