मुंबई - Vijay Thalapathy : थलपथी विजय आणि दिग्दर्शक लोकेश कनागराज यांचा 'लिओ' रिलीज झाल्यापासून बॉक्स ऑफिसवर धुमाकूळ घालत आहे. लिओ'नं भारतात 300 कोटींचा टप्पा ओलांडला आहे. या चित्रपटानं 500 कोटींची कमाई करून जगभरातील बॉक्स ऑफिसवर खळबळ उडवून दिली आहे. 'लिओ'ला समीक्षक आणि प्रेक्षकांकडून संमिश्र प्रतिक्रिया मिळाल्या आहेत. दरम्यान, दिग्दर्शक लोकेश कनकराज यांनी जाहीर केलंय की, निर्माते लवकरच चित्रपटाच्या यशाबद्दल एक पार्टी आयोजित करणार आहे. 1 नोव्हेंबरला नेहरू इनडोअर स्टेडियममध्ये हा कार्यक्रम आयोजित करण्याचा विचार सध्या ते करत आहे.
सक्सेस पार्टी : या सक्सेस पार्टीला थलपथी विजय देखील उपस्थित राहणार आहे. त्यामुळं याठिकाणी मोठी गर्दी होऊ शकते. थलपथी विजयचे चाहते 'लिओ'च्या ऑडिओ लॉन्चची आतुरतेनं वाट पाहत होते. मात्र, काही दिवसांपूर्वी ऑडिओ लॉन्च योजना रद्द करण्यात आली. 'मास्टर'नंतर थलपथी विजय आणि दिग्दर्शक लोकेश कनागराज हे 'लिओ'द्वारे पुन्हा एकदा एकत्र आले आहेत. या चित्रपटामध्ये विजय अ‍ॅक्शन मोडमध्ये दिसत आहे. 'लिओ'मध्ये विजय व्यतिरिक्त त्रिशा, संजय दत्त, अर्जुन सर्जा, मायस्किन, सँडी आणि गौतम मेनन, मॅथ्यू थॉमस, मन्सूर अली खान, प्रिया आनंद हे कलाकार आहेत.
'लिओ'ची कमाई : 'लिओ'नं देशांतर्गत बॉक्स ऑफिसवर पहिल्या दिवशी 64.8 कोटीची कमाई केली. त्यानंतर या चित्रपटानं बॉक्स ऑफिसवर वादळ निर्माण केलं. या चित्रपटाद्वारे 14 वर्षांनंतर विजय आणि त्रिशा यांची जोडी पडद्यावर एकत्र आली आहे. 'लिओ' हा तमिळ सिनेमातील तिसरा सर्वाधिक कमाई करणारा चित्रपट बनला आहे. आता हा चित्रपट रिलीजच्या बारव्या दिवसात आहे. रिलीजच्या बारव्या दिवशी 'लिओ' किती कमाई करेल हे जाणून घेऊया...
'लिओ' चित्रपटाचे बॉक्स ऑफिस कलेक्शन
पहिला दिवस 64.8 कोटी
दुसरा दिवस 34.25 कोटी
तिसरा दिवस 38.3 कोटी
चौथा दिवस 39.8 कोटी
पाचवा दिवस 34.1 कोटी