Respect for Musicians : राज्यपालां हस्ते संगीतकार एमएम किरावानी आणि चंद्रबोस सन्मानित

प्रजासत्ताक दिनी, तेलंगणाच्या राज्यपाल तमिलिसाई सुंदरराजन यांनी 'नाटू-नाटू' गाण्याचे संगीतकार एमएम किरावानी आणि चंद्रबोस यांना सन्मानित केले. प्रजासत्ताक दिनानिमित्त हैद्राबाद येथे सोहळा संपन्न झाला. यामध्ये प्रतिष्ठित मान्यवरांना पुरस्कार देऊन सन्मानित करण्यात आले.

हैदराबाद : तेलंगणाचे राज्यपाल डॉ. तमिलिसाई सुंदरराजन यांनी हैदराबादमध्ये 74 व्या प्रजासत्ताक दिनी 2023 रोजी राष्ट्रध्वज फडकवला. यावेळी त्यांनी गोल्डन ग्लोब पुरस्कार विजेते एमएम किरावानी आणि चंद्रबोस यांचा गौरव केला. एमएम किरावानी यांच्या 'नाटू नाटू' गाण्याला ऑस्करसाठी नामांकन मिळाले आहे. यापूर्वी या गाण्याने गोल्डन ग्लोब अॅवार्ड, क्रिटिक्स चॉईस अॅवार्ड 2023 असे अनेक पुरस्कार जिंकले आहेत.

राज्यपाल तमिलिसाई सौंदर्यराजन यांच्या हस्ते पुरस्कार :तेलंगणाचे मुख्यमंत्री के. चंद्रशेखर राव राजभवनात आयोजित प्रजासत्ताक दिनाच्या सोहळ्याला उपस्थित राहिले नाहीत. मुख्यमंत्र्यांच्या अनुपस्थितीत राज्यपाल तमिलिसाई सौंदर्यराजन यांनी राष्ट्रध्वज फडकवला. यावेळी राज्यपालांनी समारंभात एमएम किरावानी यांना प्रमाणपत्र आणि स्मृतिचिन्ह प्रदान केले. या सन्मानाबद्दल किरावाणीने सर्वांचे मनापासून आभार मानले. याशिवाय राज्यपालांनी गीतकार आणि पार्श्वगायक सुभाष चंद्रबोस यांचाही स्मृतिचिन्ह देऊन गौरव केला.

संगीतकार एमएम किरावाणी यांनी मानले आभार :गोल्डन ग्लोब पुरस्कार विजेते आणि ऑस्कर नामांकित 'नाटू नाटू' या गाण्याचे संगीतकार एम. एम. किरावाणी यांनी प्रसारमाध्यमांशी संवाद साधताना सांगितले की, 'ही कामगिरी केवळ माझी नाही, तर ती माझ्या सर्व गुरू, बंधू आणि समर्थकांची उपलब्धी आहे.' तसेच

'आरआरआर' चित्रपटाला क्रिटिक्स चॉईस अवॉर्ड :एसएस राजामौली यांच्या 'आरआरआर' चित्रपटाला क्रिटिक्स चॉईस अवॉर्ड मिळाला आहे. 'RRR' ला 28 व्या क्रिटिक्स चॉईस अवॉर्ड्समध्ये दोन पुरस्कार मिळाले, एक 'बेस्ट फॉरेन लँग्वेज फिल्म' आणि दुसरा 'सर्वोत्कृष्ट गाण्यासाठी', जो चित्रपटाच्या 'नातू नातू' गाण्यासाठी मिळाला. आम्ही तुम्हाला सांगतो की 'RRR' हा चित्रपट 24 मार्च 2022 रोजी रिलीज झाला होता, ज्यामध्ये ज्युनियर एनटीआर आणि राम चरण मुख्य भूमिकेत दिसले होते. 'नातू-नातू' हे गाणेही या दोन सुपरस्टारवर चित्रित करण्यात आले आहे.