मुंबई - Tamannaah Bhatia And Vijay Varma : साऊथ अभिनेत्री तमन्ना भाटिया सध्या तिच्या नात्यामुळे खूप चर्चेत असते. तमन्ना ही बॉयफ्रेड विजय वर्मासोबत अनेक ठिकाणी स्पॉट होते. 'लस्ट स्टोरी 2' या चित्रपटात ही जोडी पहिल्यांदाच एकत्र दिसली होती. या चित्रपटात दोघांनी इंटिमेट सीन दिले होते. त्यानंतर त्याच्या अफेयरच्या चर्चा सोशल मीडियावर होऊ लागल्या. त्यांनी आपल्या प्रेमाची कबूली देखील दिली. दरम्यान आता तमन्ना ही नुकतीच मालदीवच्या सुट्टीवरून परतली आहे. विजय देखील तिच्यासोबत मालदीवला गेला असल्याचं बोललं जात आहे, मात्र या जोडप्यानं एकही सोबतचा फोटो सोशल मीडियावर पोस्ट केलेला नाही.
तमन्ना आणि विजय दिसले एकत्र : अनेकदा या जोडप्याला मुंबईच्या रस्त्यावर चित्रपट आणि डिनर डेटवर जात असताना पाहिले आहे. दरम्यान आता काल रात्री हे लव्हबर्ड्स पुन्हा एकदा एका इव्हेंटमध्ये एकत्र दिसले. या कार्यक्रमात तमन्ना ही तिच्या बॉयफ्रेंड विजय वर्माचे फोटो फोनवर काढताना दिसली. या कार्यक्रमात तमन्ना आणि विजयचा लूक खास दिसत होता. तमन्नाच्या दिलखेचक लूकने तिच्या चाहत्यांना घायाळ केलं नसतं तरच नवल! तमन्नानं या कार्यक्रमात पर्पल कलरच्या बॅकलेस ड्रेस परिधान केला होता. यावर तिने खूप खास शार्प मेक केला असून केस ही मोकळे सोडले होते. विजय वर्माच्या पोशाखाबद्दल बोलायचं झालं तर, त्यानं या इव्हेंटमध्ये काळ्या रंगाचा बहुरंगी स्पार्क लाइनिंगचा सूट घातला होता. यावर त्यानं एक सनग्लास लावला होता. या लूकमध्ये तो खूप खास दिसत होता.