Tamannaah Bhatia Maldives vacay: बी-टाउनचे लव्हबर्ड्स तमन्ना भाटिया आणि विजय वर्मा बऱ्याच दिवसांपासून चर्चेत आहेत. तमन्ना ही शेवटी 'जेलर' चित्रपटात दिसली होती. या चित्रपटामधील 'कवला' गाणे हे खूप हिट झाले. तसेच 'जेलर'ने 600 कोटींहून अधिक व्यवसाय बॉक्स ऑफिसवर केला आहे. दरम्यान आता तमन्ना भाटिया आणि विजय वर्मा हे मालदीवच्या सुट्टीचा आनंद घेत आहेत. दोघेही नुकतेच मुंबई विमानतळावर दिसले होते. आता हे कपल मालदीवला गेल्याचे समजत आहे. तमन्नाने तिच्या मालदीवच्या सुट्टीतील काही हॉट फोटो सोशल मीडियावर शेअर केले आहेत. हे फोटो विजय वर्माने क्लिक केले असावे असा अंदाज बांधला जात आहे.
फोटो केली शेअर :समुद्रकिनारी हे कपल वेळ घालवताना दिसत आहे. शेअर केलेल्या फोटोमध्ये तिने गुलाबी रंगाची बिकिनी घातला आहे. दुसऱ्या फोटोमध्ये ती समुद्रकिनारी पडलेल्या वाळूशी खेळत आहे. तिसर्‍या फोटोत ती कॉफी कलरच्या टॉपमध्ये अभी आहे. चौथ्या फोटोमध्ये ती हातात चहा कप घेऊन दिसत आहे. तर, पाचव्या फोटोत तमन्नाने टोपी घातलेली आहे आणि सहाव्या फोटोत ती आराम करताना दिसत आहे. सोशल मीडियावर तिने हे खास फोटो शेअर करून चाहत्यांना आश्चर्यचकित केले आहे. हे फोटो शेअर करत तिने तीन इंद्रधनुष्य लोगो पोस्ट केला आहेत. तमन्नाच्या या पोस्टवर अनेकजण कमेंट करत आहे.