मुंबई - बॉलिवूडचा सुपरस्टार शाहरुख खानसाठी मन्नत बंगल्याबाहेर स्विग्गीचे फूड डिलिव्हरी बॉय पोहोचल्याने सोशल मीडियात खळबळ उडाली. शाहरुखने जेवणासाठी काय ऑर्डर केले असे इथं पासून अनेक चर्चा झडू लागल्या. स्विगी डिलीव्हरी बॉइजचा हा फोटो व्हायरल होण्यामागचे कारण फारच इंटरेस्टिंग आहे.
आस्क एसआरके सेशनमध्ये शाहरुख- शाहरुख खानने आपल्या चाहत्यांशी संवाद साधण्यासाठी आस्क एसआरके सेशन आयोजित केले होते. बरेच चाहते त्याला प्रश्न विचारत होते आणि त्यांना तो दिलखुलास उत्तरेही देत होता.
शाहरुखच्या बंगल्याबाहेर स्विग्गी टीम - ट्विटरवर रंगलेल्या या प्रश्नोत्तर कार्यक्रमात शाहरुखचे जगभरातील चाहत्यांनी त्याच्याशी सिनेमा, खासगी आयुष्य, कुटुंब यासह दैनंदिन धमाकेदार विषयांसह विविध विषयांवर चर्चा केली. या दरम्यान एका चाहत्याने शाहरुखला जेवलास का असे विचारले. यावर मिश्कील आणि हजरजबाबी शाहरुखने त्याला विचारले, क्यों भाई आप स्विगी से हो क्या ? ....भेज दोगे क्या? असे विचारले. या चर्चेमध्ये थेट फूड डिलिव्हरी अॅपने उडी मारली आणि एसआरकेला ऑफर दिली. काही तासांत स्विगी कर्मचार्‍यांचा एक गट मन्नत येथे पोहोचला आणि त्यांनी ट्विटर पोस्टमध्ये सांगितले की ते डिनर घेऊन आले आहेत. शाहरुखच्या बंगल्याबाहेरील एक फोटो शेअर करत त्यांनी लिहिले: 'हम स्विगी वाले है और हम डिनर लेके आगये[' शाहरुखच्या ब्लॉकबस्टर चित्रपट दिलवाले दुल्हनिया ले जायेंगे या चित्रपटातील एका प्रसंगाची सांगड घालत स्विगीच्या डिजिटल टीमने एक संधी शोधली आणि चमकण्याची संधी मिळवली.
आस्क मी एनीथिंग सत्रादरम्यान एसआरकेने त्याच्या आगामी चित्रपटांबद्दल तसेच त्याची मुलगी सुहाना खानचा पहिला चित्रप द आर्चीज याविषयीच्या प्रश्नांनाही उत्तरे दिली. आपल्या मुलीच्या पहिल्या चित्रपटाबद्दल असलेला अभिमान यावेळी शाहरुखने बोलून दाखवला. शाहरुख खान सध्या जवान आणि डंकी या चित्रपटाच्या प्रदर्शनाच्या प्रतीक्षेत आहे. शाहरुख खान, नयनतारा, विजय सेतुपती, सान्या मल्होत्रा आणि प्रियामणी यांच्या प्रमुख भूमिका असलेला जवान ७ सप्टेंबर रोजी चित्रपटगृहात प्रदर्शित होणार आहे.