मुंबई - माजी मिस युनिव्हर्स आणि बॉलिवूडची प्रसिद्ध अभिनेत्री सुष्मिता सेन आणि आयपीएलचे संस्थापक ललित कुमार मोदी यांच्यातील नात्याचा खुलासा होताच मनोरंजनापासून ते क्रीडा जगतात खळबळ उडाली आहे. या खुलाशानंतर सोशल मीडियावर चर्चेला उधान आले आहे. सुष्मिता आणि ललित यांच्यातील नाते समोर येताच अभिनेत्रीच्या चाहत्यांना विश्वास ठेवणे कठीण जात आहे. इकडे अभिनेत्रीचा भाऊ राजीव सेन यांनाही धक्का बसला असून ते काही बोलण्याच्या मनस्थितीत नाहीत. पण या खुलाशानंतर सुष्मिता सेनने भाऊ राजीवला इन्स्टाग्रामवर अनफॉलो केले आहे आणि वहिनी चारू असोपाला फॉलो करत आहे.
राजीवने बहीण सुष्मिताला इन्स्टाग्रामवर अनफॉलो केले पण तो बिझनेसमन ललित मोदींना फॉलो करत आहे. या नात्याचा खुलासा झाल्यानंतर सुष्मिता सेनच्या घरात काहीच चांगले चालले नसल्याची माहिती आहे.
याआधी सुष्मिता सेन आणि ललित मोदी यांच्या नात्याच्या खुलाशावर राजीव सेन म्हणाले, 'माझ्या बहिणीकडून याबाबत कोणतीही पुष्टी झालेली नाही, खरे सांगायचे तर मला याबाबत काहीच माहिती नाही. मी स्वत: आश्चर्यचकित झालो आहे आणि मी स्वत: त्यांच्याशी बोलणार आहे. मात्र याआधी बहीण-भावाची नाराजी सोशल मीडियावर पाहायला मिळत आहे.