मुंबई -Suriya Kanguva Second look : साऊथचा सुपरस्टार सूर्याचा आगामी चित्रपट 'कंगुवा' या वर्षातील बहुप्रतीक्षित चित्रपटांपैकी एक आहे. शिव दिग्दर्शित 'कंगुवा' अ‍ॅक्शन ड्रामाच्या प्रत्येक अपडेट्सवर चाहते लक्ष ठेवून आहेत. चित्रपटाच्या निर्मात्यांनी नोव्हेंबरमध्येच चित्रपटाचा फर्स्ट लूक रिलीज केला होता. दरम्यान या चित्रपटाचे दुसरे पोस्टर रिलीज करण्यात आले आहे. हे पोस्टर चाहत्यांना खूप आवडले आहे. चित्रपटाच्या पहिल्या पोस्टरमध्ये सूर्या भयानक दिसत होता. दरम्यान 'कंगुवा' चित्रपटाच्या निर्मात्यांनी सोशल मीडियावर पोस्टर शेअर करत लिहिलं, ''वेळेपेक्षा नियती मजबूत भूतकाळ, वर्तमान आणि भविष्य सर्व एकाच नावाच्या प्रतिध्वनी आहे 'कंगुवा.''
'कंगुवा' होणार इतक्या भाषेत प्रदर्शित :'कंगुवा' चित्रपटात सूर्या, दिशा पटानी, बॉबी देओल, जगपती बाबू, योगी बाबू, रेडिन किंग्सले, केएस रविकुमार आणि इतर कलाकारही महत्त्वाच्या भूमिकेत आहेत. चित्रपटाच्या निर्मात्यांनी गेल्या वर्षी जुलैमध्ये चित्रपटाची पहिली झलक दाखवली होती. स्टुडिओ ग्रीननं यूवी क्रिएशन्सच्या सहकार्यानं या चित्रपटाची निर्मिती करण्यात आली आहे, तर राष्ट्रीय पुरस्कार विजेते देवी श्री प्रसाद यांनी 'कंगुवा'ला संगीत दिलं आहे. हा चित्रपट हिंदी, तमिळ, कन्नड, मल्याळम, तेलगू अशा एकूण 10 भाषांमध्ये प्रदर्शित होणार या चित्रपटाबद्दल सोशल मीडियावर जोरदार चर्चा होताना दिसत आहे. हा चित्रपट पाहण्यासाठी चाहते उत्सुक आहेत.