मुंबई : 'गदर 2'नं आतापर्यंत बॉक्स ऑफिसवर 438.70 कोटींची कमाई केलीय. सनी देओलच्या या चित्रपटानं बॉक्स ऑफिस कलेक्शनवर दमदार कामगिरी आहे. अनिल शर्मा दिग्दर्शित हा चित्रपट चित्रपटगृहांमध्ये चांगलाच कमाई करत आहे. सनी देओल आणि अमिषा पटेलची प्रमुख भूमिका असलेल्या 'गदर 2' नं शनिवारी, 26 ऑगस्ट रोजी बॉक्स ऑफिसवर पुन्हा एकदा इतिहास रचला आहे.
'गदर 2'चे कलेक्शन : तारा सिंगला जगभरात पसंत केले जात असून त्यामधील डायलॉगची सर्वत्र चर्चा होत आहे. तारा सिंग आणि सकिना यांच्या कहाणीनं जगभरात कोट्यवधींचा व्यवसाय केला आहे. या चित्रपटाची 16व्या दिवसाची कमाई समोर आली आहे. एका अहवालानुसार, चित्रपटाने शनिवारी 12.50 कोटींची कमाई केली आहे. गेल्या 5 दिवसांपासून 'गदर 2' च्या कमाईत घट झाली होती. मात्र आज शनिवारी चित्रपटाचे कलेक्शन मागील दिवसाच्या तुलनेत दुप्पट झाले आहे. 'गदर 2' हा तिसरा सर्वाधिक कमाई करणारा हिंदी चित्रपट ठरला आहे. या चित्रपटाची एकूण कमाई 438.70 कोटी झाली आहे. या चित्रपटाने जगभरात 500 कोटींहून अधिक कमाई केली आहे.