मुंबई - बॉलिवूड स्टार सुनील शेट्टीने गुरुवारी सांगितले की, कार्तिक आर्यन हेरा फेरी फ्रँचायझीमध्ये सामील झाल्याबद्दल तो खूपच रोमांचित झाला आहे. त्याने हेही स्पष्ट केले की आगामी तिसऱ्या भागात कार्तिकने अक्षय कुमारची जागा घेतलेली नाही. लोकप्रिय कॉमेडी चित्रपट मालिका राजू (कुमार), श्याम (शेट्टी) आणि बाबू भैय्या (परेश रावल) या तीन पुरुषांभोवती फिरते जे झटपट पैसे कमवण्याच्या येडपट योजना आखत राहतात.
गेल्या आठवड्यात दिल्लीतील एका कार्यक्रमात, अक्षय कुमारने क्रिएटिव्ह फरकांचा हवाला देऊन हेरा फेरी 3 मधून बाहेर पडल्याची पुष्टी केली होती. त्याआधी, परेश रावल म्हणाले होते की आगामी चित्रपट लवकरच शुटिंग फ्लोअरवर जाईल आणि कार्तिक आर्यन राजूची भूमिका साकारेल.
चित्रपटाच्या तिसर्‍या भागात कार्तिक आर्यनच्या प्रवेशादरम्यान, सुनिल शेट्टी म्हणाला की स्ट्रीटस्मार्ट राजू म्हणून अक्षय कुमारची जागा कोणीही घेऊ शकत नाही. "कार्तिक आर्यन ही एक उत्तम निवड आहे, (परंतु) तो राजूची भूमिका करत नाही. कार्तिक एक पूर्णपणे नवीन व्यक्तिरेखा आहे आणि तो साकारणार असलेल्या भूमिकेत आश्चर्यकारक ऊर्जा आणेल. राजूची जागा कोणीही घेऊ शकत नाही. आता राजू आणि फिरोज (निर्माता नाडियादवाला) भाईंनी हेरा फेरीचा गुंता सोडवायची आहे," शेट्टी म्हणाले.
2000 मध्ये प्रदर्शित झालेला पहिला चित्रपट प्रियदर्शनने दिग्दर्शित केला होता. त्याचा सिक्वेल फिर हेरा फेरी (2006) मध्ये त्याच कलाकारांनी त्यांच्या प्रतिष्ठित पात्रांची पुनरावृत्ती केली. दिवंगत अभिनेते-चित्रपट निर्माते नीरज व्होरा यांनी दुसऱ्या भागाचे दिग्दर्शन केले होते. गेल्या काही दिवसांपासून तिसऱ्या भागावर काम सुरू आहे. रिपोर्ट्सनुसार, फिरोज नाडियादवाला यांच्या पाठिंब्याने, हेरा फेरी 3 चे दिग्दर्शन अनीस बज्मी करणार आहेत.