एसएस राजामौली यांना न्यूयॉर्क फिल्म क्रिटिक्स सर्कलमध्ये सर्वोत्कृष्ट दिग्दर्शकाचा पुरस्कार

एसएस राजामौली यांना न्यूयॉर्क फिल्म क्रिटिक्स सर्कलमध्ये सर्वोत्कृष्ट दिग्दर्शकाचा पुरस्कार मिळाला आहे. हा प्रतिष्ठित पुरस्कार स्वीकारल्यानंतर राजामौली यांनी आरआरआर हा चित्रपट पाश्चिमात्य लोकांनादेखील भारतीयांप्रमाणेच आवडतो आहे, याबद्दल आनंद व्यक्त केला.

हैदराबाद- भारतीय चित्रपटसृष्टीतील यशस्वी चित्रपट निर्माता, दिग्दर्शक एसएस राजामौली यांच्या ब्लॉकबस्टर चित्रपट RRR साठी मोठा सन्मान प्राप्त झाला आहे. न्यू यॉर्क फिल्म क्रिटिक्स सर्कल (NYFCC) मध्ये सर्वोत्कृष्ट दिग्दर्शकाचा पुरस्कार मिळाल्याने त्यांच्या शिरपेचात एक नवीन मानाचा तुरा लागला आहे. अवॉर्ड शोमध्ये दिग्दर्शक पत्नी रामा राजामौली, मुलगा एसएस कार्तिकेय आणि कुटुंबासह उपस्थित होते.

एसएस राजामौली यांनी प्रतिष्ठित पुरस्कार स्वीकारल्यानंतर सांगितले की, आरआरआर हा चित्रपट पाश्चिमात्य लोकांनादेखील भारतीयांप्रमाणेच आवडतो आहे, याबद्दल आनंद व्यक्त केला. सर्वोत्कृष्ट दिग्दर्शकाच्या पुरस्कारासाठी त्याच्या नावाची घोषणा होताच या दिग्दर्शकालाही प्रेक्षकांकडून उत्स्फूर्त दाद मिळाली. यावेळी राजामौली यांनी करड्या रंगाचा कुर्ता पायजमा परिधान केला होता.

राजामौली यांचा मुलगा एसएस कार्तिकेय याने पुरस्कार सोहळ्यातील वडिलांचे काही फोटो शेअर केले आणि लिहिले, "सर्वोत्कृष्ट दिग्दर्शक." फोटोंमध्ये राजामौली त्यांच्या पत्नीसह पुरस्कारासोबत पोज देताना दिसत आहेत. दिग्दर्शक आधीच सोशल मीडियावर ट्रेंड हेत आहे आणि भारताला अभिमान वाटावा यासाठी चाहते त्याच्यावर कौतुकाचा वर्षाव करत आहेत.

आरआरआर टीम गोल्डन ग्लोबमध्ये सहभागी होणार - आरआरआर चित्रपटाची टीम लॉस एंजेलिसमध्ये गोल्डन ग्लोबमध्ये त्यांच्या नावावर आणखी एक प्रतिष्ठित पुरस्कार जोडण्यासाठी सज्ज आहे. एसएस राजामौली, त्यांचे कुटुंबीय, राम चरण आणि त्यांची पत्नी उपासना यांच्यासह आरआरआर टीम पुरस्कार सोहळ्याला उपस्थित राहणार आहे. हा पुरस्कार सोहळा 11 जानेवारी 2023 रोजी लॉस एंजेलिस येथे होणार आहे. नाटू नाटू या गाण्यासाठी सर्वोत्कृष्ट मोशन पिक्चर – नॉन-इंग्रजी भाषा श्रेणी आणि सर्वोत्कृष्ट मूळ गाणे, मोशन पिक्चर श्रेणी अंतर्गत या चित्रपटाला नामांकन मिळाले आहे.

जरी आरआरआर ची ऑस्करसाठी भारताची अधिकृत एंट्री म्हणून निवड झाली नसली तरी, एसएस राजामौली यांच्या उत्कृष्ट रचनांच्या निर्मात्यांनी अकादमी पुरस्कार नामांकनासाठी ‘फॉर युवर कन्सिडरेशन’ मोहिमेत सामील होऊन आणखी एक संधी घेण्याचे ठरवले. सर्वोत्कृष्ट मोशन पिक्चर, सर्वोत्कृष्ट दिग्दर्शक (एसएस राजामौली), मुख्य भूमिकेतील सर्वोत्कृष्ट अभिनेता (राम चरण आणि जूनियर एनटीआर) आणि बरेच काही यासह 14 श्रेणींमध्ये ब्लॉकबस्टर चित्रपट सबमिट केला गेला आहे.

गोल्डन ग्लोबच्या आधी यूएस मधील बियॉन्ड फेस्टचा भाग म्हणून 9 जानेवारी रोजी TCL चायनीज थिएटर्समध्ये आरआरआर चित्रपट प्रदर्शित केला जाईल अशी घोषणा करण्यात आली आहे. एसएस राजामौली, ज्युनियर एनटीआर, राम चरण आणि संगीतकार एमएम कीरावानी स्क्रीनिंगला उपस्थित राहणार आहेत. TCL चायनीज थिएटर्स हे जगातील सर्वात मोठे IMAX थिएटर आहे. हा चित्रपट दुसऱ्यांदा धूमधडाक्यात प्रदर्शित होत आहे.

आरआरआर हा चित्रपट अंदाजे 300 कोटी रुपयांच्या बजेटमध्ये बनवला गेला होता आणि त्याच्या थिएटर रन दरम्यान जगभरात 1200 कोटींहून अधिक कमाई केली होती. हा जागतिक स्तरावर प्लॅटफॉर्मवर सर्वाधिक लोकप्रिय नॉन-इंग्रजी चित्रपट आहे. तो नेटफ्लिक्सवरील सर्वाधिक लोकप्रिय चित्रपटांपैकी एक बनला.

आरआरआरमध्ये राम चरण, ज्युनियर NTR, आलिया भट्ट आणि अजय देवगण यांच्यासह इतर कलाकार आहेत. क्रांतिकारी स्वातंत्र्यसैनिक अल्लुरी सीताराम राजू आणि कोमाराम भीम यांच्या जीवनाचे काल्पनिक वर्णन आहे.