मुंबई - दोन वर्षांच्या विश्रांतीनंतर रविवारी बाबा सिद्दीकी यांनी स्टार-स्टडेड इफ्तार पार्टीचे आयोजन करण्यात आले होते. या पार्टी दरम्यान, शहनाज गिलने बॉलीवूड स्टार शाहरुख खानची भेट घेतली आणि त्याच्यासोबत एक सुंदर क्षण शेअर केला. ऑनलाइन समोर आलेल्या पार्टीच्या व्हिडिओंमध्ये शहनाज गिलने शाहरुख खानला मिठी मारल्याचे दिसत असून तिच्या चेहऱ्यावर एक निखळ आनंद झळकत आहे.
या प्रसंगी शहनाझ गिलने जुळणाऱ्या दुपट्ट्यासह पेस्टल ग्रे सलवार सूट घातला होता. तर शाहरुख खान काळ्या रंगाच्या पठाणी सूटमध्ये दिसत होता.
शाहरुख आणि शहनाजसह स्टार्सने गर्दी केलेल्या या पार्टीला सलमान खान, संजय दत्त, शिल्पा शेट्टी, चंकी पांडे, करण सिंग ग्रोव्हर, जॅकी भगनानी, रकुल प्रीत सिंग, अली गोनी आणि जस्मिन भसीन यांच्यासह इतरांनीही हजेरी लावली होती. बाबा सिद्दीकी यांची वार्षिक इफ्तार पार्टी ही बॉलीवूडमधील सर्वाधिक चर्चेत राहात असते. या पार्टीला SRK-सलमान चाहत्यांमध्ये एक विशेष स्थान आहे कारण 2014 मध्ये या दोन सुपरस्टार्सनी एकमेकांना मिठी मारून त्यांच्या जुन्या शत्रुत्वाचा अंत केला होता.
हेही वाचा - Baba Siddiqui's Iftaar Party : संजय दत्त, सलमान आणि शाहरुख खान पोहोचले बाबा सिद्दीकीच्या इफ्तार पार्टीला...
