मुंबई - Bigg Boss 17 Updates: टीव्ही रिअ‍ॅलिटी शो 'बिग बॉस 17'चा दुसरा वीकेंड का वार 28 ऑक्टोबर रोजी प्रसारित झाला. या शोमध्ये सलमान खानसोबत सोहेल आणि अरबाज खानही दिसले, त्यानंतर एक मोठी घोषणाही करण्यात आली होती. दुसऱ्या 'वीकेंड का वार'मध्ये सलमान खान विकी जैन, अंकिता लोखंडे, ईशा मालवीय आणि अभिषेक कुमार यांना फटकारताना दिसत आहे. दरम्यान आता या शोमध्ये दोन वाईल्ड कार्ड एन्ट्री करण्यात आल्या असून एका सदस्याला घरातून बाहेर काढण्यात आले आहे. सोनिया बन्सलची घरातून हकालपट्टी झाली आहे. आता 'बिग बॉस 17' च्या मेकर्सनी एक प्रोमो व्हिडिओ सोशल मीडियावर शेअर केला आहे.
दोन वाईल्ड कार्ड एन्ट्री : काल 'वीकेंड का वार'मध्ये वाइल्ड कार्ड स्पर्धकानं प्रवेश केला होता. 18वा स्पर्धक म्हणून सलमाननं मनस्वी ममगाईच्या नावाची घोषणा केली. धमाकेदार नृत्य सादरीकरणासह मनस्वी शोमध्ये प्रवेश केला. याशिवाय आणखी एक वाइल्ड कार्ड स्पर्धक शोमध्ये येणार आहे, जो आज म्हणजेच रविवारच्या 'वीकेंड का वार'मध्ये येईल. हा स्पर्धक अभिनेता समर्थ जुरेल आहे, जो ईशा मालवीयाचा कथित बॉयफ्रेंड आहे. समर्थ हा प्रोमो व्हिडिओमध्ये ईशाचा बॉयफ्रेंड असल्याचा दावा करत आहे. समर्थ तिचा बॉयफ्रेंड असल्याचं ती प्रोमो व्हिडिओमध्ये नाकारताना दिसत आहे.