जैसलमेर- अभिनेता सिद्धार्थ मल्होत्रा आणि कियारा अडवाणी यांच्या लग्नाचा पहिला व्हिडिओ समोर आला आहे. व्हायरल झालेला व्हिडिओ सिड-कियाराच्या हळदी समारंभाचा आहे. सिद्धार्थ आणि कियारा यांचा मेहंदी सोहळा सोमवारी बॉलीवूड सेलिब्रिटीं करण जोहर, जुही चावला, शाहिद कपूर आणि त्याची पत्नी मीरा राजपूत यांच्या उपस्थितीत पार पडला.
सिद्धार्थ आणि कियारा मेहंदी सोहळा- या दोघांनी मेहंदी सेरेमनीच्या सेलिब्रेशनमध्ये डान्स फ्लोअर जलवा दाखवला. या सोहळ्याची सुरुवात सूर्यगड हॉटेल तलावाजवळ झाली. पाहुणे तलावाजवळील सनसेट पॅटिओ गार्डनमध्ये बसले होते. कियाराच्या हाताला पहिल्यांदा मेहेंदी लावली गेली आणि त्यानंतर सिद्धार्थच्या हातावर मेहंदी लावण्यात आली. नंतर, दोन्ही कुटुंबातील महिला, वधूची आई जिनेव्हीव्ह, काकू सुमिता आणि आजी व्हॅलेरी यांचा समावेश आहे. मीरा राजपूतनेही हाताला मेहंदी लावली. सोहळा सुरू असताना, डीजे गणेशने पाहुण्यांना बॉलीवूड आणि फ्यूजन नंबरवर खिळवून ठेवले. सिद्धार्थ आणि कियारा या दोघांच्याही कुटुंबांनी या प्रसंगासाठी तयार केलेले कार्यक्रम सादर केले.
सुर्यगढमधील तलावाजवळ रंगला सोहळा - लेक साइडवर संध्याकाळ होत असताना, डीजे गणेशने संगीताचा वेग वाढवला आणि कियाराचा रॅपर भाऊ मिशाल अडवाणी, पंजाबी इलेक्ट्रॉनिक लोक कलाकार हरी आणि सुखमणी यांच्या व्यतिरिक्त, पाहुण्यांना संध्याकाळपर्यंत खिळवून ठेवण्यासाठी गाणी वाजवली. सिद्धार्थ आणि कियारा यांच्या हळदी समारंभाचा एक व्हायरल व्हिडिओ इंटरनेटवर धुमाकूळ घालत आहे. व्हिडिओमध्ये लग्नाचे ठिकाण पिवळ्या आणि पांढऱ्या कपड्याने सजलेले दिसत आहेत.
सिद्धार्थ आणि कियाराने डान्सने उपस्थितांना केले मंत्रमुग्ध - मेहंदी सोहळ्यानंतर सोमवारी भव्य संगीत कार्यक्रमाचे आयोजन करण्यात आले होते. ज्यामध्ये पाहुण्यांसह कुटुंबातील सदस्यांनी जोरदार नृत्य सादर केले. सिद्धार्थ मल्होत्रा आणि वधू कियारा अडवाणी यांनीही आपला जारोदार परफॉर्मन्स दिला. यासोबतच दोघांचे कुटुंबीयही लग्नाच्या गाण्यांवर जोरदार नाचताना दिसले. कॉन्सर्टच्या प्लेलिस्टमध्ये काला चष्मा, नचदे ने सारे, जुग जुग जिओ, रंगी सारी गुलाबी चुनरिया, डिस्को दिवानी आणि इतर अनेक गाण्यांचा समावेश असल्याचे सांगण्यात आले.
कियाराच्या भावाचाही जोरदार परफॉर्मन्स- सूत्रांनी दिलेल्या माहितीनुसार, हॉटेल सूर्यगढमधील लग्नाच्या मैफिलीत वधू-वरांव्यतिरिक्त, लग्न समारंभात सहभागी होण्यासाठी आलेल्या दोन्ही पाहुण्यांच्या कुटुंबातील सदस्यांनीही डीजे गणेशच्या तालावर जबरदस्त डान्स केला. ज्यामध्ये मुख्यतः शाहिद, मीरा, करण जोहर आणि जुही चावला यांचा समावेश होता. या सोबतच खासकरून बॉलीवूड अभिनेत्री कियारा अडवाणीचा भाऊ मिशाल अडवाणीनेही आपल्या बहिणीसाठी कॉन्सर्टमध्ये खास डान्स केला. विशेष म्हणजे कियाराचा भाऊ मिशाल अडवाणी हा स्वतः एक रॅपर संगीतकार आणि संगीत दिग्दर्शक आहे.
सिद्धार्थ आणि कियारा ६ फेब्रुवारीला लग्नबंधनात अडकणार असल्याचे यापूर्वीच्या अनेक अहवालांनी सुचवले होते. मात्र, आता चाहत्यांना थोडी प्रतीक्षा करावी लागणार आहे. या जोडप्याच्या जवळच्या सूत्रानुसार, बहुप्रतिक्षित लग्न एका दिवसासाठी पुढे ढकलण्यात आले आहे. शेरशाह सहकलाकार ७ फेब्रुवारीला म्हणजेच मंगळवारी लग्नबंधनात अडकणार आहे.
हेही वाचा -Kangana Ranaut Threat : बॉलिवूड माफिया टोळीला कंगना रणौतची धमकी, म्हणाली सुधारा नाहीतर घरात घुसून मारेन
