नवी दिल्ली - नवविवाहित जोडपे सिद्धार्थ मल्होत्रा आणि कियारा अडवाणी यांनी एकमेकांसोबत क्वालिटी टाइम व्यथित करण्यासाठी त्यांच्या कामातून थोडा वेळ काढला आहे. रविवारी, सिद्धार्थ मल्होत्राच्या एका फॅन अकाऊंटवर या जोडप्याचा त्यांच्या चाहत्यांसह हसतमुख फोटो टाकला गेला. पोस्टमध्ये दावा करण्यात आला आहे की ही जोडी सध्या जपानमध्ये आहे आणि यातील एक विशिष्ठ फोटो क्योटो, जपानमध्ये कॅप्चर करण्यात आला आहे.
सिद्धार्थ आणि कियाराचा जपानमध्ये क्वालिटी टाइम - फोटोत सिद्धार्थ आणि कियारा कॅज्युअल आणि आरामदायी ट्रॅकसूट घातलेले दिसतात. सिद्धार्थ काही शॉपिंग बॅगसहदेखील आपण पाहू शकतो. या पोस्टवर प्रतिक्रिया देत अनेक चाहत्यांनी या जोडप्यावर प्रेमाचा वर्षाव केला. रविवारी, दोघांनी त्यांच्या आईसाठी गोड मदर्स डेच्या शुभेच्छा दिल्या.
कियाराचा मदर्स डे संदेेश- प्री-वेडिंग फंक्शनमधील तिच्या आईसोबतचा एक फोटो शेअर करताना कियारा अडवाणीने लिहिले, 'माझे सर्वस्व' (यलो हार्ट इमोजी). फोटोमध्ये क्रीम लेहेंगा आणि पिवळा दुपट्टा परिधान केलेल्या या कियाराने तिच्या आईला मिठी मारली आहे आणि त्यांनी कॅमेऱ्यात पाहताना फोटोसाठी पोझ दिली. कियाराने सणासुदीतील तिच्या सासूसोबतचा स्वतःचा एक फोटोही शेअर केला असून त्यासोबत लिहिले आहे, 'यासाठी आभारी आहे.' कियाराने सिद्धार्थ मल्होत्राचा तिची आई आणि आईसोबतचा फोटो शेअर केला आहे. त्यासोबत तिने लिहिले, 'हॅपी मदर्स डे. आज आणि दररोज.' सिद्धार्थने त्याच्या आई आणि सासूला शुभेच्छा दिल्याने तो फोटोही पुन्हा शेअर केला होता.
सिद्धार्थ आणि कियारा विवाह- सिद्धार्थ आणि कियारा यांनी ७ फेब्रुवारीला राजस्थानमधील सूर्यगढ पॅलेसमध्ये एका इंटिमेट सोहळ्यात लग्नगाठ बांधली. त्यांनी त्यांच्या जवळच्या मित्रांसाठी दिल्लीत आणि नंतर मुंबईत रिसेप्शनचे आयोजन केले होते. करण जोहर, करीना कपूर खान, आलिया भट्ट, काजोल, गौरी खान, संजय लीला भन्साळी आणि अनेक सेलिब्रिटींनी या भव्य रिसेप्शनला हजेरी लावली होती. 2021 मध्ये प्रदर्शित झालेल्या 'शेरशाह'च्या शूटिंगदरम्यान ते प्रेमात पडले होते.
हेही वाचा -Kapil Sharma Ramp Walk With Daughter: कपिल शर्मा आणि भारती सिंग यांच्या मुलांनी केला रॅम्पवॉक; सोशल मीडियावर व्हिडिओ व्हायरल...
