मुंबई : शाहरुख खान स्टारर 'जवान' चित्रपटाच्या प्रीव्हयूमुळे आता सोशल मीडियावर खळबळी उडाली आहे. सर्वत्र जवान या चित्रपटाबद्दल चर्चा होत आहे. या चित्रपटाचा प्रीव्हयू रिलीज झाल्यानंतर काही प्रेक्षक या चित्रपटाला आताच ब्लॉकबस्टर घोषित करत आहे. तर काहीजण या चित्रपटाच्या काही सीन्स कॉपी असल्याचे सांगत आहे. अ‍ॅक्शन-थ्रिलर 'जवान' या चित्रपटाचे १० जुलै रोजी सकाळी १०.३० वाजता प्रीव्हयू प्रदर्शित झाला. या चित्रपटात नयनतारा, दीपिका पदुकोण, विजय सेतुपती, सान्या मल्होत्रा हे कलाकार मुख्य भूमिकेत आहे. साऊथ फिल्म इंडस्ट्रीतील दिग्दर्शक अरुण कुमार उर्फ अ‍ॅटली दिग्दर्शित जवान या चित्रपटाच्या प्रीव्हयूने प्रेक्षकांना हादरवून सोडले आहे. शाहरुख अशा अवतारात पहिल्यांदाच रूपेरी पडद्यावर दिसला आहे.
अपरिचित चित्रपट : प्रीव्हयूमध्ये शाहरुखचे अनेक लूक समोर आले आहेत, शाहरुखने कॉपी केलेला लूक हा साऊथ चित्रपट अपरिचितमधील आहे. साऊथ सुपरस्टार चियान विक्रम स्टारर ब्लॉकबस्टर चित्रपट अपरिचितमधून त्याने हा लूक कॉपी केला असून या लूकमध्ये तो फार भयानक दिसत आहे. दुसरीकडे, शाहरुखचे चाहते या प्रीव्हयूमुळे फार आनंदी आहे.
अपरिचित या चित्रपटामधील मुखवट्याचे लूक :दरम्यान , या चित्रपटातून प्रकट झालेला शाहरुख खानचा मुखवटा २००५मध्ये प्रदर्शित झालेल्या विक्रम स्टारर आणि शंकरच्या दिग्दर्शित अपरिचित चित्रपटासारखा असल्याचे बोलले जात आहे. दरम्यान या लूकमध्ये शाहरुख खान हा विक्रम सारखा दिसत आहे, असे देखील म्हटले जात आहे. 'जवान' हा चित्रपट ७ सप्टेंबरला प्रदर्शित होत आहे.