मुंबई- क्रिकेटपटू इरफान पठाणच्या मुलाने पठाण या अलिकडे गाजलेल्या चित्रपटातील झूमे जो पठाण या गाण्यावर डान्स केला आहे. शाहरुखने हा व्हिडिओ स्वतःच्या ट्विटर हँडलवर शेअर केला. या गाण्यामध्ये शाहरुख खान आणि दीपिका पदुकोणने जबरदस्त डान्स केला होता आणि सिनेमाच्या अखेरीस येणाऱ्या गाण्यासाठी लोक थिएटरमध्ये थांबून या गाण्यावरच डोलत बाहेर पडले होते.
बॉलिवूड अभिनेता शाहरुख खानने त्याचा सर्वात सुंदर चाहता, क्रिकेटपटू इरफान पठाणचा मुलगा डान्स करतानाचा व्हिडिओ शेअर केला. या व्हिडिओच्या सुरुवातीला इरफान पठाण लहान मुलासोबत घरात बसलेला दिसतो. एवढ्यात तो फोनवर पठाण चित्रपटातील झुमे जो पठाण हे गाणे प्ले करतो. त्याची धुन ऐकताच इरफानचा मुलगा उठतो व मोबाईल घेऊन गाण्याच्या तालावर डोलायला लागतो. इरफान या गोष्टीकडे खूप कौतुकाने पाहाताना आपण व्हिडिओत पाहतो.
व्हिडिओ शेअर करताना, क्रिकेटर इरफान पठाणने शाहरुख खानसाठी कॅप्शनमध्ये लिहिले, 'शाहरुख खानसाब, कृपया तुमच्या यादीत आणखी एक गोड चाहता जोडा...' इरफानने पोस्ट शेअर करताच, ट्विटर युजर्सनी कमेंट विभागात गर्दी केली आणि अनेक हृदय इमोजी टाकल्या. 'असली पठाण तो यही है,' असे एका युजरने कमेंटमध्ये म्हटले. 'तो खूप गोड आहे. देव त्याला सदैव आशीर्वाद देवो आणि त्यानेही त्याच्या वडिलांप्रमाणे आम्हाला विश्वचषक जिंकून द्यावा,' असेही एकाने लिहिले. आणखी एका यूजरने लिहिले, 'क्या बात है, छोटे पठाण.'