मुंबई : आरआरआर फेम अभिनेता आणि साऊथ सुपरस्टार राम चरण आणि त्याची पत्नी उपासना कोनिडेला यांना सोमवारी, 20 जून रोजी पहिले मूल झाले. उपासनाने हैदराबादमधील अपोलो रुग्णालयात तिच्या मुलीला जन्म दिला. लग्नाच्या 11 वर्षांनंतर रामचरण आणि उपासना आई-बाबा झाले आहेत. उपासनाला सोमवारी रात्री 19 जूनला रुग्णालयात दाखल केल्या गेले होते. आज तिने मंगवारी 20 जून रोजी पहाटे एका गोडस बाळाला जन्म दिला. मेडिकल बुलेटिनद्वारे जेव्हा ही बातमी शेअर करण्यात आली, त्यानंतर ही बातमी झपट्याने सोशल मीडियावर पसरली. या जोडप्याच्या चाहत्यांना ही बातमी कळल्यानंतर सोशल मीडियावर त्यांनी यांना शुभेच्छा दिल्या.
राम चरणचे चाहते :राम चरणचे असंख्य चाहते त्यांना शुभेच्छा देण्यासाठी रुग्णालयाबाहेर जमले आहे. राम चरण आणि उपासना यांनी अद्याप अधिकृत विधान जारी केलेले नाही, दरम्यान , वैद्यकीय अधिकार्‍यांनी पुष्टी केली की आई आणि बाळ दोघेही बरे आहेत. तसेच हैद्राबादमधील अपोलो रुग्णालयाबाहेर अनेक चाहते फुगे आणि केक घेऊन गेटबाहेर उभे आहेत. रुग्णालयाबाहेर मुलगी होण्याचा आनंद चाहते साजरा करत असून याठिकाणचे अनेक व्हिडिओ सोशल मीडियावर व्हायरल झाले आहे. चाहते याठिकाणी जयजयकार करताना दिसत आहे. राम चरण आणि उपासनाच्या मुलीवर चाहत्यांनी प्रेमाचा वर्षाव केला आहे. तसेच आनंद साजरा करताना चाहत्यांनी हॉस्पिटलवर लाल फुग्यांचा थवाही उडविला आहे. तर एका दुसऱ्या व्हिडिओमध्ये चाहते त्यांना अभिनंदन देत केक कापताना दिसत आहे. चिमुकल्या राजकुमारीच्या आगमनाचा आनंद साजरा करत चाहते एकमेकांना केकही खाऊ घालत आहे.