मुंबई :कार्तिक आर्यन आणि कियारा अडवाणी यांचा रोमँटिक ड्रामा चित्रपट 'सत्यप्रेम की कथा' २९ जून रोजी थिएटरमध्ये दाखल झाली आहे. हा चित्रपट प्रेक्षकांना फार जास्त आवडत आहे. या चित्रपटासाठी कार्तिक आणि कियारा यांच्या जोडीला पुन्हा एकदा भरभरून प्रेम मिळत आहे. याआधी ही जोडी भूल भुलैया 2 या चित्रपटात दिसली होती आणि या चित्रपटाने बॉक्स ऑफिसवर 250 कोटींहून अधिकचा व्यवसाय केला होता. आता ज्या प्रेक्षकांनी चित्रपटाचा पहिला शो पाहिला आहे ते या चित्रपटाचे रिव्ह्यू ट्विटरवर देत आहेत. बहुतेक प्रेक्षक 'सत्यप्रेम की कथा' हा चित्रपट हिट असल्याचे सांगत आहेत.
प्रेक्षकांनी या चित्रपटाला ब्लॉकबस्टर म्हटले :चित्रपट प्रदर्शित झाल्यानंतर प्रेक्षकांनी ट्विटरवर प्रतिक्रिया देण्यास सुरुवात केली आणि अजूनही चित्रपटावर रिव्ह्यू येत आहेत. कार्तिक-कियाराच्या भूल भुलैया २ नंतर हा चित्रपटही ब्लॉकबस्टर ठरला आहे. दरम्यान, एका प्रेक्षकांनी ट्विटरवर लिहिले आहे की, एक सुंदर प्रेमकथा ज्याचे हृदय योग्य ठिकाणी आहे, जबरदस्त.. धमाकेदार.. कार्तिक-कियारा रॉक्स. तर दुसऱ्या एका प्रेक्षकाने लिहिले आहे की, या चित्रपटात मनोरंजन, प्रेम आणि भावना सर्व काही आहे, बाप-मुलावर चित्रित करण्यात आलेल्या चित्रपटातील काही दृश्ये हृदय पिळवून टाकणारी आहे, कार्तिकने उत्तम अभिनय केला आहे. अशा अनेक प्रतिक्रिया या चित्रपटाबाबत ट्विटरवर येत आहे. अभिनेता सुनील शेट्टीने काल रात्री ट्विट करत लिहले, सत्यप्रेम चित्रपटाच्या कथेबद्दल मी सर्व काही बरोबर ऐकत आहे, आणखी एका ब्लॉकबस्टर चित्रपटासाठी साजिद भाईचे अभिनंदन.