मुंबई : नुकत्याच प्रदर्शित झालेल्या 'जरा हटके जरा बचके' या चित्रपटाच्या यशाचा आनंद लुटणारी अभिनेत्री सारा अली खानने तिच्या कुटुंबासह आई अमृता सिंग आणि भाऊ इब्राहिमसह हा चित्रपट पाहिला. साराने रविवारी इंस्टाग्राम स्टोरीवर चित्रपट पाहतानाचे कोलाज फोटो शेअर केले आहे. फोटोमध्ये ती आई आणि भावासोबत पोझ देताना दिसत आहे. तसेच तिच्या बाजूला बसून तिचे चाहते दिसत आहे. फोटो शेअर करताना तिने लिहिले, 'रविवारचा दिवस सहपरिवारसह सिनेमा पाहताना घालवला'. हा चित्रपट लक्ष्मण उतेकर दिग्दर्शित असून या चित्रपटाचा सेट हा इंदोरमध्ये आहे. या चित्रपटाची कहाणी ही एका मध्यमवर्गीय जोडप्याभोवती फिरणारी आहे.
जरा हटके जरा बचके हा चित्रपट मनोरंजक : 'जरा हटके जरा बचके' या चित्रपटची सुरुवात ही कॉमेडीने सुरू होते. या चित्रपटात सारा (सौम्या) विक्की (कपिल) दोघे संयुक्त कुटुंबात राहत असतात त्यांना स्वता;चे घर हे सरकारी योजनामधून पाहिजे असते. त्यामुळे दोघे खोट्या घटस्फोटाचे नाटक करत असतात. या घटस्फोटासाठी दोघे फार नाटक करत असतात. या चित्रपटाची कहाणी फार मजेशीर आहे. त्यामुळे हा चित्रपट सहकुटुंब तुम्ही पाहू शकतात. विक्की आणि साराची अ‍ॅक्टिंग या चित्रपटात फार अप्रतिम आहे. विक्की आणि साराच्या चित्रपटाचा बॉक्स ऑफिस डे 2 चा रिपोर्ट कार्ड आला आहे. व्यापार विश्लेषक तरण आदर्श यांच्या मते, चित्रपटाने भारतीय बॉक्स ऑफिसवर 1 आणि 2 व्या दिवशी एकूण 12.69 कोटी रुपयांची कमाई केली आहे. तरण आदर्श यांनी त्यांच्या इंस्टाग्राम अकाउंटवर लिहले, 'जरा हटके जरा बचके' या चित्रपटाने प्रदर्शकांसाठी दिलासा दिला आहे.