संजय मिश्राच्या आगामी 'वो 3 दिन' चित्रपटाचे मोशन पोस्टर रिलीज

सोडणाऱ्या संजय मिश्रा यांच्या आगामी 'वो 3 दिन' या चित्रपटाचे मोशन पोस्टर रिलीज झाले आहे. हा चित्रपट ३० सप्टेंबर रोजी प्रेक्षकांच्या भेटीस येणार आहे.

मुंबई - आपल्या खास स्टाईलने व्यक्तिरेखांमध्ये छाप सोडणाऱ्या संजय मिश्रा यांच्या आगामी 'वो 3 दिन' या चित्रपटाचे मोशन पोस्टर रिलीज झाले आहे. हा चित्रपट ३० सप्टेंबर रोजी प्रेक्षकांच्या भेटीस येणार आहे. ट्रेड अॅनालिस्ट तरण आदर्श यांनी चित्रपटाचे पोस्टर आपल्या ट्विटर अकाऊंटवर शेअर करत चित्रपटाच्या रिलीजची तारीखही जाहीर केली आहे.

या चित्रपटात संजय मिश्रासोबत एमएस धोनी या चित्रपटात दिसलेले राजेश शर्मा आणि कमिने, फालतू आणि जबरिया जोडी या चित्रपटात दिसलेले चंदन राय सन्याल हे मुख्य भूमिकेत आहेत. पोस्टरबद्दल बोलायचे झाले तर तिन्ही कलाकार रेल्वे रुळावर बसलेले आहेत. संजय देसी स्टाईलमध्ये गमचा आणि पायजमा घातलेला दिसत आहे तर राजेश शर्ट-पॅन्टमध्ये आणि चंदन सूट-बूट घातलेला दिसत आहे.

यापूर्वी संजय मिश्राने पोस्टर शेअर करताना कॅप्शनमध्ये लिहिले होते, 'काही दिवसांनंतर.. 'वो तीन दिन', लॉकडाऊननंतर पूर्ण झालेला आमचा पहिला चित्रपट!' यासोबतच चित्रपटाशी संबंधित कलाकारांनाही टॅग करण्यात आले. चित्रपटाचे दिग्दर्शन राजू आशु यांनी केले असून चित्रपटाची निर्मिती पंचम सिंग यांची आहे.

संजय मिश्रा शेवटचा 'कामयाब' या चित्रपटात दिसला होता. या चित्रपटाचे खूप कौतुक झाले होते. संजय मिश्राच्या 'कामयाब'चे यश देखील संजयच्या बॉक्स ऑफिस कलेक्शनपेक्षा प्रेक्षकांकडून मिळालेले प्रेम, आदर आणि पाठिंबा यावरून मोजले जाते.

'वो 3 दिन' चित्रपटाचे मोशन पोस्टर रिलीज

या चित्रपटाचा वर्ल्ड प्रीमियर २०१८ मध्येच झाला होता. हा चित्रपट 5 ऑक्टोबर 2018 रोजी 23 व्या बुसान आंतरराष्ट्रीय चित्रपट महोत्सवात प्रदर्शित झाला. त्याच वेळी, या चित्रपटाचे पोस्टर भारतात जानेवारी 2020 मध्ये लाँच करण्यात आले आणि हा चित्रपट 6 मार्च 2020 रोजी प्रदर्शित झाला. पण कोरोना संकटामुळे हा चित्रपट चित्रपटगृहात जास्त काळ चालू शकला नव्हता.

हेही वाचा -नोरा फतेहीवर 200 कोटी खंडणी प्रकरणी पोलीसांनी केला 50 हून अधिक प्रश्नांचा भडिमार