अक्षयच्या 'सम्राट पृथ्वीराज'वर कमल हासनच्या 'विक्रम'ने केली मात

'सम्राट पृथ्वीराज'चा पहिल्या दिवसाची बॉक्स ऑफिस कमाई जाणून तुम्हाला विश्वास बसणार नाही. हा चित्रपट साऊथ फिल्म इंडस्ट्रीचा सुपरस्टार कमल हासनचा चित्रपट विक्रमपेक्षा मागे पडला आहे.

मुंबई - अक्षय कुमार आणि मानुषी छिल्लर यांची भूमिका असलेला 'सम्राट पृथ्वीराज' चित्रपट शुक्रवारी (३ जून) थिएटरमध्ये प्रदर्शित झाला. चित्रपटाचे पहिल्या दिवसाचे कलेक्शन निराशाजनक आहे. यामुळे अक्षय कुमारच्या करिअरलाही मोठा धक्का बसू शकतो. दाक्षिणात्य चित्रपटसृष्टीतील सुपरस्टार कमल हासनचा चित्रपट विक्रमने पहिल्याच दिवशी 3 जून रोजी 'सम्राट पृथ्वीराज' या चित्रपटाने बॉक्स ऑफिसवर मात दिली असून कमाईच्या बाबतीत 'सम्राट पृथ्वीराज'ला मागे टाकले आहे.

'सम्राट पृथ्वीराज'चे ओपनिंग डे कलेक्शन - अक्षय कुमारच्या बच्चन पांडे या चित्रपटाने चाहत्यांची आधीच निराशा केली आहे आणि आता 'सम्राट पृथ्वीराज'नेही यात कोणतीही कसर सोडलेली नाही. 'सम्राट पृथ्वीराज'चे पहिल्या दिवशी बॉक्स ऑफिस कलेक्शन 12 ते 14 कोटी इतकेच सांगितले जात आहे. वीकेंडला चित्रपटाला किती प्रतिसाद मिळतो... ते ५ जूनच्या संध्याकाळपर्यंत कळेल.

मीडिया रिपोर्ट्सनुसार, 'सम्राट पृथ्वीराज'चे पहिल्या दिवसाचे कलेक्शन आलिया भट्ट स्टारर चित्रपट गंगूबाई काठियावाडीइतकेच आहे. अक्षय कुमारचा शेवटचा रिलीज झालेला चित्रपट बच्चन पांडेने बॉक्स ऑफिसवर पहिल्या दिवशी 13 कोटींची कमाई केली.

'सम्राट पृथ्वीराज'च्या कमाईवरही परिणाम झाला आहे, कारण देशातील काही राज्यांमध्ये हा चित्रपट करमुक्त सुरू आहे.

'विक्रम'चा बॉक्स ऑफिसवर धुमाकूळ - अक्षय कुमारसोबत कमल हसनचा 'विक्रम' चित्रपटही थिएटरमध्ये दाखल झाला. लोकेश कनगराज यांनी या चित्रपटाचे दिग्दर्शन केले आहे. विक्रम चित्रपटाचे पहिल्या दिवसाचे कलेक्शन 40 ते 50 कोटींच्या दरम्यान सांगितले जात आहे. या चित्रपटाने बॉक्स ऑफिसवर जबरदस्त कमाई केली आहे. विक्रमबद्दल असे बोलले जात होते की हा चित्रपट बॉक्स ऑफिसवर दहशत निर्माण करेल.

हेही वाचा -अमृतमहोत्सवी अशोक सराफ : दादा कोंडके ते लक्ष्यासोबत महाराष्ट्राला हसवणारा विनोदाचा बादशाह