गंभीर वैद्यकीय गुन्ह्याचे रहस्य उलगडणाऱ्या यशोदाचा ट्रेलर लॉन्च, कमी वेळात 10 लाख व्ह्यूज

गुरुवारी, सामंथा रुथ प्रभूने तिच्या आगामी यशोदा चित्रपटाच्या ट्रेलरचे लॉन्च करुन चाहत्यांना दिवाळीची अनोखी भेट दिली. ट्रेलरमध्ये सामंथा सरोगेट मदर यशोदाच्या भूमिकेत दाखवण्यात आली आहे, ती एका गंभीर वैद्यकीय गुन्ह्याचे रहस्य धैर्याने उलगडते.

मुंबई- ऊं अंटावा या गाण्यातील किलर मूव्ह्सने सर्वांना प्रभावित करणारी अभिनेत्री सामंथा रुथ प्रभू तिच्या आगामी 'यशोदा' चित्रपटात सरोगेट मदरची मुख्य भूमिका साकारणार आहे. हिंदी ट्रेलरने यूट्यूबवर 1.8 मिलियनचा आकडा पार केला आहे.

हिंदीतील वरुण धवन, तेलुगूमध्ये विजय देवरकोंडा, मल्याळममध्ये दुल्कर सलमान, तामिळमध्ये सुरिया आणि कन्नडमध्ये रक्षित शेट्टी यासारख्या भारतीय मनोरंजन उद्योगातील काही मोठ्या सेलेब्रिटींनी गुरुवारी चित्रपटाच्या ट्रेलरचे लॉन्चिंग केले. आदित्य मुव्हीजच्या अधिकृत यूट्यूब चॅनेलवर यशोदा हिंदी ट्रेलरने 1.8 दशलक्ष व्ह्यूज ओलांडले आहेत.

ट्रेलरमध्ये एक आकर्षक थ्रिलरचे आश्वासन प्रेक्षकांना मिळाले आहे. यात सामंथा संघर्ष करताना दिसत असून या कथेत ती धैर्याने गंभीर वैद्यकीय गुन्ह्याचे रहस्य उलगडताना दिसणार आहे.

तमिळ आणि तेलुगूमध्ये शूट केलेला, यशोदा हा चित्रपट हिंदी, कन्नड आणि मल्याळम या अतिरिक्त तीन भाषांमध्ये डब केला जाईल आणि रिलीज केली जाईल.

सामंथा रुथ प्रभू शिवाय, या चित्रपटात वरलक्ष्मी सरथकुमार, उन्नी मुकुंदन, राव रमेश, मुरली शर्मा, संपत राज, शत्रु, मधुरिमा, कल्पिका गणेश, दिव्या श्रीपदा आणि प्रियांका शर्मा यांच्याही भूमिका आहेत. हरी आणि हरीश दिग्दर्शित यशोदा चित्रपटाची निर्मिती श्रीदेवी मुव्हीजच्या बॅनरखाली करण्यात आली आहे. हा चित्रपट 11 नोव्हेंबर 2022 रोजी थिएटरमध्ये रिलीज होणार आहे.

हेही वाचा -जिममध्ये कठोर मेहनत करणाऱ्या दीपिका पदुकोणवर का हसले सेलेब्रिटी? पाहा व्हिडिओ