मुंबई - बॉलिवूडचा सुपरस्टार सलमान खान त्याच्या प्रेमळपणासाठी आणि सभ्य वागण्यासाठी ओळखला जातो. असे जरी असले तरी नुकत्याच व्हायरल झालेल्या व्हिडिओमध्ये आपल्याला सलमानची वेगळी बाजू दिसते. आयफा 2023 मध्ये सलमान खान आणि विकी कौशल समोरासमोर येत असल्याचा व्हिडिओ सोशल मीडियावर फिरत आहे आणि यात घडलेली घटना चाहत्यांना आवडलेली नाही. यात सलमानला पाहताच विकी कौशल त्याच्याकडे गेला, पण दबंग खानच्या अंगरक्षकाने त्याला बाजूला ढकलले.
नेमकी घटना काय घडली - सुरक्षेच्या कारणास्तव अबू धाबीमध्ये सध्याच्या आयफामध्ये विकीला सलमानला भेटण्याची परवानगी देण्यात आली नव्हती. व्हिडिओमध्ये, विकी चाहत्यांसोबत सेल्फी घेत असताना सलमान आणि त्याचे सुरक्षारक्षक तिथून जात असताना दिसत आहे. सलमानची सुरक्षा विकीला दूर ढकलते आणि त्याला सलमानशी हात मिळवण्यापासून रोखते.
व्हिडिओ सेशल मीडियावर व्हायरल - विकी सुपरस्टारला हस्तांदोलनासाठी हात पुढे करून अभिवादन करण्याचा प्रयत्न करतो पण त्याला बाजूला ढकलले जाते. सोशल मीडिया यूजर्स हा व्हिडीओ मोठ्या प्रमाणात शेअर करत आहेत, ज्यामुळे वादाला तोंड फुटले आहे. सलमानच्या काही चाहत्यांनी त्याच्या या निर्णयाचा बचाव करण्याचा प्रयत्न केल्याने व्हिडिओवर मोठ्या प्रमाणावर टीका झाली आहे.
इंटरनेटवर सलमान आणि विकीच्या समर्थनार्थ चाहते उतरले - या व्हिडिओने इंटरनेटवर दोन गट पडले आहेत. अनेकांनी अनेकांनी विक्कीसोबत सलमानचे वागणे असभ्य असल्याचे म्हटले आहे, तर काहींनी सुरक्षेचे कारण सांगितले आहे. व्हिडिओवर प्रतिक्रिया देताना, एका युजरने लिहिले: 'सलमानने विकीला दाखवलेला एवढा अ‍ॅटीट्यूड बरा दिसत नाही'. दुसर्‍याने कमेंट केली: 'अरे देवा, हे खूप उद्धटपणाचे होते...,' तर आणखी सोशल मीडिया युजरने लिहिले: 'खूप मैत्रीपूर्ण बोलणे दिसत नाही. दोघेही रागावलेले दिसत आहेत. सलमानने तो जे काही बोलत होता त्याबद्दल त्याने काहीही सांगितले नाही'.
टीकेला प्रत्युत्तर म्हणून, सलमानच्या एका चाहत्याने सुपरस्टारचा बचाव केला आणि लिहिले : 'सलमान आला तेव्हा त्याच्याकडे हसत होता, तो गर्विष्ठ नव्हता आणि त्याला विकीला विरोध करण्याच काहीही कारण नाही. ते यापूर्वीही अनेकदा भेटले आहेत. काही चाहते प्रत्येक गोष्टीचा तिरस्कार करतात.'
टागरचे ३ चे शुटिंग पूर्ण- दरम्यान, अबू धाबी येथे गुरुवारी आयफा अवॉर्ड्स 2023 च्या पत्रकार परिषदेत, सलमानने खुलासा केला की त्याने त्याच्या बहुप्रतिक्षित चित्रपट टायगर 3 चे शूट पूर्ण केले आहे. 'तुम्हाला आता दिवाळीत टायगर पाहायला मिळेल. खरोखर तणावपूर्ण शूट, पण ते छान झाले,' असे त्याने सांगितले.
हेही वाचा -Iifa 2023 : आयफा अवॉर्ड शो सिझन 23च्या मंचावर झळकले सलमान, विक्की आणि अभिषेक
