मुंबई - Sajni shinde ka viral video Movie :दिनेश विजानचा 'साजिनी शिंदे का व्हायरल व्हिडिओ' हा चित्रपट चित्तथरारक हत्याकांडावर आधारित आहे.'साजिनी शिंदे का व्हायरल व्हिडिओ' या शीर्षकातूनच प्रेक्षकांचा उत्साह निर्मात्यांनी वाढवला आहे. या चित्रपटामध्ये अभिनेत्री राधिका मदन आणि निम्रत कौर दिसणार आहेत. 'साजिनी शिंदे का व्हायरल व्हिडिओ' चित्रपटाचा ट्रेलर अनेकांच्या पसंतीस उतरला आहे. या चित्रपट खूप रहस्य प्रेक्षकांना पाहायला मिळणार आहे. दरम्यान या चित्रपटासाठी आता दिग्गज अभिनेता अभिताभ बच्चन यांनी नम्रता कौरला शुभेच्छा दिल्या आहेत.
ट्रेलरमध्ये काय आहे? : 'साजिनी शिंदे का व्हायरल व्हिडिओ' हा चित्रपटकथित आत्महत्येच्या प्रयत्नात पुलावरून नदीत उडी मारून मृत मानलेल्या शाळेतील बेपत्ता शिक्षिका सजिनी शिंदे (राधिका मदन) हिच्या जीवनावर आधारित असणार आहे. ट्रेलरमध्ये असं दिसतं की तिच्या शारीरिक संबंधांची व्हिडिओ क्लिप लीक झालेली आहे. या चित्रपटामध्ये सुमीत व्यास, भाग्यश्री, सुबोध भावे, सोहम मजुमदार, चिन्मय मांडेकर, श्रुती व्यास, आशुतोष गायकवाड आणि रश्मी आगडेकर हे कलाकार दिसणार आहे. 'साजिनी शिंदे का व्हायरल व्हिडिओ' चित्रपटाचे दिग्दर्शन मिखिल मुसळे यांनी केले असून परिंदा जोशी यांनी सहलेखन केले आहे.