मुंबई- रणवीर सिंग (Ranveer Singh ) सध्या त्याच्या लेटेस्ट न्यूड फोटोशूटमुळे चर्चेत आहे. रणवीरने नुकतेच एका मासिकासाठी फोटोशूट केले होते. त्यानंतर सोशल मीडिया यूजर्सनी त्याला ट्रोल करायला सुरूवात केली होती. रणवीरचा हा अवतार त्याच्या अनेक चाहत्यांना आवडला नसल्याने सोशल मीडियावर विविध गोष्टी केल्या जात आहेत. ट्रोलसोबतच आता बॉलिवूड सेलिब्रिटीही रणवीरच्या न्यूड फोटोशूटवर प्रतिक्रिया देत आहेत. अलीकडेच अर्जुन कपूरने (Arjun Kapoor) उघडपणे रणवीरला पाठिंबा दिला.
रणवीर सिंग आणि अर्जुन कपूर हे दोघेही खूप चांगले मित्र आहेत आणि अनेकदा एकमेकांसोबत दर्जेदार वेळ घालवतात. करण जोहरच्या शोमध्ये आल्यानंतरही एका टास्कदरम्यान रणवीरने अर्जुनला फोन केला होता. अलीकडे त्याने (Arjun) एक व्हिलन रिटर्न्सच्या प्रमोशनदरम्यान रणवीरच्या ट्रोलिंगवर आपली प्रतिक्रिया दिली.
अर्जुन कपूरला विचारण्यात आले की, रणवीर सिंगचे फोटोशूटकडे तो कसा पाहतो? त्याला उत्तर देताना तो म्हणाला, 'मला जेवढे माहित आहे... रणवीर सिंगमध्ये कोणताही दिखावा करत नाही. तुम्ही 11-12 वर्षांपासून रणवीरला पाहत आहात. तो जे काही करतो तो त्याच्या व्यक्तिमत्त्वाचा भाग असतो. त्याने जे काही केले ती त्याची निवड आहे, त्याला जे सोयीस्कर वाटते तेच तो करतो आणि आपण त्याचा आदर केला पाहिजे.